ស្ងាត់ៗ នាង ភីម សម្រាលកូនបានម្នាក់ទៀតហើយ ជាមួយស្វាមីក្រោយ

រាជធានីភ្នំពេញ៖ គួរឱ្យភ្ញាក់ជាខ្លាំងក្រោយពីស្ងាត់ៗមួយរយៈ តារាកំប្លែង នាងភីម បានប្រសូតបានកូនម្នាក់ទៀតហើយ ក្រោយពីរៀបការជាមួយស្វាមីក្រោយរបស់នាងប្រមាណជា២ឆ្នាំមកនេះ។ នេះបើតាមប្រភពព័ត៍មានពីសមាជិកគ្រួសារម្នាក់របស់នាងភីម.

ក្នុងនោះ បើតាមប្រភពដដែល ប្រាប់កាសែតកោះសន្តិភាពដឹងថា បន្ទាប់ពីសម្រេចចិត្តលែងលះជាមួយអតីតស្វាមីនាយ តាក់ស៊ី នោះមក នាង ភីម ក៏រៀបការជាមួយស្វាមីថ្មី និងបានរស់នៅជាមួយគ្នាប្រមាណ២ឆ្នាំមកហើយ។ រយៈពេលនៃការរស់នៅជាមួយគ្នានេះ បច្ចុប្បន្ននាង ភីម បានសម្រាកកូនម្នាក់ទៀតដែលមកទល់ពេលនេះ កូននាងមានអាយុ១ខែហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភពពីសមាជិកគ្រួសារនាងភីម បានបន្តថា ស្វាមីក្រោយរបស់នាង ភីម គឺជាអ្នកការធម្មតាម្នាក់ មិនមែនជាអ្នកសិល្បៈដូចគ្នានោះឡើយ។ បច្ចុប្បន្ន ក្រៅពីការងារសម្តែងកំប្លែងនៅស្ថានីយទូរទស្សន៍ CTN នាង ភីម ក៏បើកការរកស៊ីជាមួយនឹងក្រុមហ៊ុនលក់ឡេមួយផងដែរ។

គួរបញ្ជាក់ថា បន្ទាប់ពីសម្រេចចិត្តចែកផ្លូវគ្នាពីអតីតស្វាមីនាយ តាក់ស៊ី នាង ភីម បានចាប់ផ្តើមលេងខ្លួនជាមួយនឹងការប្រែប្រួលរូបសម្រស់កាន់តែស្រស់ស្អាតជាងមុន។ ជាធម្មតាតារារូបនេះ តែងតែត្រូវបានគេឃើញ live វីដេអូតាមហ្វេសប៊ុក ដើម្បីលក់ឡេ ខណៈពេលការLive របស់នាងម្តងៗក៏មានអ្នកចូលទស្សនាច្រើនផងដែរ។

គួរបញ្ជាក់ថា នាយតាក់ស៊ី និងនាងភីម បានចាប់ដៃជាប្តីប្រពន្ធ បន្ទាប់ពីបានប្រឡងជាប់ទាំងពីរនាក់ប្តីប្រពន្ធ ក្នុងក្រុមកំប្លែង CTN នៅឆ្នាំ២០០៩-២០១០។ អ្នកទាំងពីរបានរៀបការនៅឆ្នាំ២០០៦ និងទទួលបានចំណងដៃកូនប្រុសម្នាក់ផងដែរ ។

ថ្វីបើ អ្នកទាំងពីរ បានសម្រេចចែកផ្លូវគ្នាដោយសន្តិវិធី និងគ្មានជម្លោះ បន្ទាប់ពីនាយ តាក់ស៊ី បានទៅបួស និងបើកផ្លូវអោយនាង ភីម រៀបការយកស្វាមីថ្មី។ យ៉ាងណា បើទោះជាបែកគ្នា និងមានគ្រួសារថ្មីរៀងខ្លួនក៏ដោយ ប៉ុន្តែអ្នកទាំងពីរនៅតែរាប់អានគ្នា និងសម្តែងកំប្លែងជាមួយគ្នាជាធម្មតា៕

ប្រភព៖ KSP

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស្ងាត់ៗ នាង ភីម សម្រាលកូនបានម្នាក់ទៀតហើយ ជាមួយស្វាមីក្រោយ

In Case You Missed It