គាប់ជួនម្ល៉េះ? ប្រុសស្អាតលំដាប់ពិភពលោកទាំងពីរដួងនេះ សុទ្ធតែមានថ្ងៃកំណើតដូចគ្នា

តារាកម្សាន្ត៖ ជឿជាក់ថាប្រិយមិត្ត ពុកម៉ែ បងប្អូន និងហ្វេនៗដែលជាអ្នកនិយមគាំទ្រវិស័យKpop ព្រមទាំងហ្វេនៗដែលជាអ្នកនិយមតាមដានខ្សែភាពយន្តភាគថៃ គឺសុទ្ធសឹងតែបានដឹងថាថ្ងៃ៤ ខែធ្នូនេះ គឺជាថ្ងៃកំណើតរបស់ Jin សមាជិកដ៏សង្ហាលំដាប់ពិភពលោករបស់ក្រុមចម្រៀងប្រុសកូរ៉េខាងត្បូងដ៏ល្បី និងក៏ជាថ្ងៃកំណើតរបស់តារាប្រុសថៃដ៏ល្បីលោក Mario Maurer កម្លោះសង្ហាដែលជាប់ឈ្មោះថាជាប្រុសស្អាតមួយរូបផងដែរ។

យ៉ាងណាមិញ ដោយសារតែឃើញថាតារាប្រុសដ៏ល្បីទាំងពីររូបនេះ មានថ្ងៃកំណើតដូចគ្នា មានហ្វេនៗមួយចំនួនបញ្ចេញមតិភ្ញាក់ផ្អើល និងនឹកស្មានមិនដល់ ដែលប្រុសស្អាតទាំងពីរនេះសុទ្ធតែមានថ្ងៃកំណើត ដូចគ្នាបេះដាក់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា Jin សមាជិកក្រុមចម្រៀងប្រុសBTS ឬមានរហស្សនាមថា Worldwide Handsome លោកកើតនៅថ្ងៃទី៤ ធ្នូ ឆ្នាំ១៩៩២ ចំណែកឯតារាប្រុសថៃដ៏ល្បីលោក Mario Maurer លោកកើតនៅថ្ងៃទី៤ ធ្នូ ឆ្នាំ១៩៨៨៕

• រូបភាព
• តារាថៃ
• តារាអន្តរជាតិ