ចិន៖ មកទល់នឹងពេលនេះ ជីវិតអាពាហ៍ពិពាហ៍ដែលបញ្ចប់ជាផ្លូវការ រវាង តារាស្រី Zhao Liying និង អតីទស្វាមី Feng Shaofeng នៅតែធ្វើឲ្យមហាជនសោកស្ដាយចំពោះទំនាក់ទំនងមួយនេះ ហើយបន្ទាប់ពី បានចែកផ្លូវគ្នាដើររៀងខ្លួនហើយ អ្នកទាំងពីរក៏បានបង្ហើបថា នឹងចិញ្ចឹមកូនជាមួយគ្នា ប៉ុន្តែ នៅពេលនេះកូនប្រុសរបស់អ្នកទាំងពីរ កំពុងតែស្ថិតនៅគ្រួសារខាងឪពុក ។
ដោយឡែក ទាក់ទងនឹងកូនប្រុសរបស់អតីតប្ដីប្រពន្ធគូនេះ ស្រាប់តែមានទំព័រដ៏ល្បី BJH បង្ហាញពីអត្ថបទមួយ និងបានលាតត្រដាងថា នៅក្នុងដំណើរការចិញ្ចឹម លោក Feng Shaofeng បានសន្យាខ្លួនឯងថា ខ្លួននឹងមិនបង្រៀនកូន ឱ្យលេងកីឡាមួយ ដែលជាការប្រណាំងឡាននោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ សម្រាប់តារាប្រុសរូបនេះផ្ទាល់ លោកធ្លាប់បានចំណាយពេលជាច្រើនក្នុងការរៀនប្រណាំង ចូលរួមប្រកួតប្រជែង ដើម្បីបំពេញចំណង់ចំណូលចិត្តរបស់ខ្លួន។ តែនៅពេលដែលបានក្លាយជាឪពុកគេហើយ លោកមិនចង់ឱ្យកូនប្រុសរបស់ខ្លួន ចូលរួមក្នុងសកម្មភាពដ៏គ្រោះថ្នាក់នេះទេ។
អ្វីដែលសំខាន់នោះគឺ ខាងប្រព័ន្ធផ្សព្វផ្សាយមួយនេះ ថែមទាំងបានលាតត្រដាងទៀតថា កាលពី ១០ ឆ្នាំមុន អតីតស្វាមីរបស់ Zhao Liying បានជួបឧបទ្ទវហេតុធ្ងន់ធ្ងរ ស្ទើរតែបាត់បង់ជីវិត ទៀតផង តែទោះបីជា រូបលោក អាចរក្សាអាយុជីវិតរបស់ខ្លួនបានក៏ដោយ ប៉ុន្តែ វាបានជះឥទ្ធិពលយ៉ាងខ្លាំង ដល់ចិត្តគំនិតរបស់តារាសម្តែងរូបនេះ ទើបមិនចង់ឱ្យកូនរៀនប្រណាំង ចំពោះសកម្មភាពកីឡាមួយនេះ ផងដែរ។
យ៉ាងណាមិញ ខាងប្រភពដដែលនេះ ក៏បានលើកឡើងថា ការឃើញកូន មានសុខភាពល្អ និងធំធាត់ឡើង គឺជាបំណងប្រាថ្នារបស់ឪពុកម្តាយគ្រប់គ្នា ហើយប្រហែលដោយសារ តែធ្លាប់ឆ្លងកាត់គ្រាដ៏គ្រោះថ្នាក់ និងលំបាក ទើបលោក Feng Shaofeng កាន់តែព្រួយបារម្ភចំពោះ កូនប្រុសរបស់ខ្លួន៕
ប្រភព៖ Kenh14
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
