ភ្នំពេញ៖ រយៈពេល១១ខែ ឆ្នាំ២០២១នេះ កម្ពុជា រកចំណូលបានចំនួន ១,១១៦.១៨លានដុល្លារពីការនាំចេញស្រូវអង្ករទៅ កាន់ទីផ្សារអន្តរជាតិ និងប្រទេសជិតខាង។ បើតាមសហព័ន្ធស្រូវអង្ករកម្ពុជា អង្ករ ដែលបាននាំចេញមានចំនួនជាង ៥០ម៉ឺនតោន ខណៈស្រូវនាំចេញបានជាង ៣លានតោន។
ដោយឡែក ក្នុងរយៈពេល១១ខែ ឆ្នាំ២០២១នេះ កម្ពុជា បាននាំចេញអង្ករចំនួន ៥៣២,១៧៩តោន ស្មើនឹង ៣៦៦,៤១៤,៧៩០.៤៦ដុល្លារ និងស្រូវចំនួន ៣,១២៣,២៤២តោន ស្មើនឹង ៧៤៩,៧៦០,៣០៨.៩៨ដុល្លារ ទៅកាន់ទីផ្សារអន្តរជាតិ និងឆ្លងដែនទៅប្រទេសជិតខាង។ សហព័ន្ធស្រូវអង្ករកម្ពុជា អះអាងថា ចិន ជាប្រទេសដែលកម្ពុជា បាននាំចេញអង្ករទៅច្រើនជាងគេ រហូតដល់ ៤៩.៨៥ភាគរយ នៃការនាំចេញសរុប។ ជាមួយគ្នានេះ ការនាំចេញទៅប្រទេសចិន កើនឡើងចំនួន ១២.៩០ភាគរយ ខណៈគោលដៅនៃការនាំចេញផ្សេងៗ មានការធ្លាក់ចុះ។
ដោយឡែក ក្នុងខែវិច្ឆិកាកន្លងទៅ ការនាំចេញមានកំណើន ១១.២៣ភាគរយ ធៀបនឹងខែវិច្ឆិកាឆ្នាំ២០២០ ដែលមាន ៧២,០១០តោន និងការនាំចេញស្រូវមានចំនួន ១៨,៥៣០ឡាន ស្មើនឹង ៤៦៣,២៥២តោន។ បើតាមសហព័ន្ធស្រូវអង្ករកម្ពុជា ការនាំចេញទៅកាន់តំបន់អាស៊ាន មានចំនួន ១០ភាគរយ, សហភាពអឺរ៉ុប ២៥ភាគរយ, ប្រទេសចិន ៥០ភាគរយ និងទិសដៅ ផ្សេងៗ ១៥ភាគរយ៕
ប្រភព៖ ថ្មីថ្មី
សូមចូលទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
