នេះជាប្រវត្តិតស៊ូរបស់បវរកញ្ញាវៀតណាម មុនគ្រោងមកុដមាសMGI

តារាកម្សាន្ត÷ កាលពីពេលថ្មីៗកន្លងទៅនេះ បវរកញ្ញាវៀតណាម នាង Nguyen Thuc Thuy Tien (កើតថ្ងៃទី ១២ ខែសីហា ឆ្នាំ ១៩៩៨) បានគ្រោងមកុដមាសនៃកម្មវិធីបវរកញ្ញាហ្គ្រែនអន្តរជាតិ ឬ Miss Grand Internationalឆ្នាំ២០២១ ដែលបានប្រារព្ធឡើងនៅប្រទេសថៃ។

យ៉ាងណាមិញ មានប្រវត្តិនៅក្នុងវិស័យប្រកួតបវរកញ្ញាមិនធម្មតា បវរកញ្ញាវៀតណាមរូបនេះ ធ្លាប់បានឈ្នះជើងឯករង Miss Southernឆ្នាំ២០១៦ លើកទី១ និងបានជាប់ចំណាត់ថ្នាក់ Top5 នៅក្នុងកម្មវិធី Miss Vietnam២០១៨ រួមជាមួយនឹងពានរង្វាន់ Beauty of Mercy ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ងាកមកចាប់អារម្មណ៍លើប្រវត្តិការសិក្សា និងភាពកម្សត់របស់បវរកញ្ញារូបនេះឯណោះវិញ នាងបានសិក្សានៅមហាវិទ្យាល័យអក្សរសាស្ត្របារាំង សាកលវិទ្យាល័យវិទ្យាសាស្ត្រសង្គម និងមនុស្សសាស្ត្រ សាកលវិទ្យាល័យជាតិវៀតណាមនៅក្នុងទីក្រុងហូជីមិញដែលជាស្រុកកំណើតរបស់នាង។ ចាប់តាំងពីឆ្នាំ២០១៩មក នាងThuy Tien បានសិក្សានៅមហាវិទ្យាល័យទេសចរណ៍ - បរិញ្ញាបត្រគ្រប់គ្រងសណ្ឋាគារ-ភោជនីយដ្ឋានអន្តរជាតិ (កម្មវិធីសហប្រតិបត្តិការជាមួយសាលាទេសចរណ៍ និងសណ្ឋាគារអន្តរជាតិ Vatel ប្រទេសបារាំង) នៅសាកលវិទ្យាល័យHoa Sen ។

ចំណែកឯឪពុកម្តាយរបស់នាង បានបែកគ្នាតាំងពីនាងអាយុ ៤ឆ្នាំ ហើយនាងត្រូវបង្ខំចិត្តទៅរស់នៅជាមួយម្តាយមីងរបស់នាងរហូតដល់នាងមានអាយុ ១៨ ឆ្នាំ និងមានវាសនាបានគ្រោងមកុដMiss Grand Internationalក្នុងឆ្នាំ២០២១នេះតែម្តង៕

• រូបភាព
• តារាអន្តរជាតិ