កូវីដកើនឡើងច្រើន! ប្រជាជនកូរ៉េ ត្រូវតំរង់ជួររាប់ម៉ោង ដើម្បីធ្វើតេស្តរកកូវីដ១៩​

កូរ៉េខាងត្បូង៖ ប្រជាជាកូរ៉េរាប់ពាន់នាក់ បាននឹងកំពុងរង់ចាំតំរង់ជួរអស់ជាច្រើនម៉ោង ដើម្បីធ្វើតេស្តរក COVID-19។

បើតាមយោងតាមសារព័ត៍មាន Kukmin Ilbo បានឱ្យដឹងថា ប្រជាជននៅទីក្រុងសេអ៊ូលបានរង់ចាំលើសពីពីរម៉ោងដើម្បីធ្វើតេស្តរកមេរោគកូវីដ១៩។ មនុស្សជាច្រើនដែលសម្រេចចិត្តដើរចេញដើម្បីធ្វើតេស្ត ក្នុងអំឡុងពេលអាហារថ្ងៃត្រង់របស់ពួកគេ ដោយឆ្លៀតយកពេលសម្រាករបស់ពួកគេ ត្រូវរង់ចាំនៅខាងក្នុងរថយន្ត និងតំរង់ជួរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅខាងក្រៅ កន្លែងធ្វើតេស្តនៅ Songpa-gu ក្រុមអ្នកធ្វើតេស្តជាច្រើន​ ត្រូវចូលទៅក្នុងបន្ទាត់ដែលមានប្រវែង 400 ម៉ែត្រ។ ខ្សែបន្ទាត់នេះបានបង្កើតជារង្វង់ជុំវិញសណ្ឋាគារដែលមានទីតាំងនៅខាងក្រោយការិយាល័យស្រុក Songpa-gu ។

ឃើញ​ខ្សែ​នេះ ពលរដ្ឋ​ម្នាក់​បាន​កត់​សម្គាល់​ថា៖ «អីយ៉ួយ ឈរចាំ​នៅ​ក្នុង​ជួរ​ជាង ២ ម៉ោងហើយ? ខ្ញុំ​ធុញខ្លាំង​ណាស់»។នៅថ្ងៃទី ០៤ ខែធ្នូ KST ចំនួនករណីថ្មីនៃមេរោគកូវីដ១៩ បានឈានដល់កម្រិតខ្ពស់បំផុតនៃករណីរកឃើញចំនួន ៥,១២៨ ករណី។

ដោយសារតែការកើនឡើងខ្លាំងបែបនេះ ចំនួនមនុស្សអតិបរមា សម្រាប់ការជួបជុំឯកជននឹងមានចំនួន 6 នាក់ ជាការកំណត់ នៅក្នុងរដ្ឋធានីសម្រាប់រយៈពេល ៤​ សប្តាហ៍ខាងមុខនៅក្នុងប្រទេសកូរ៉េខាងត្បូង ដោយមិនគិតពីស្ថានភាពនៃការសម្រេចបាននៃការចាក់វ៉ាក់សាំង៕