ហ្វេនចង់លើសជាតិស្ករ ស៊ូឈីន កាន់តែស្វីតជាមួយគូស្នេហ៍

ភ្នំពេញ៖ អាចនិយាយបានថា បច្ចុប្បន្នតារាសម្ដែងស្រីវ័យក្មេងសាច់សខ្ចីកញ្ញា ស៊ូឈីន ជាតារាមួយរូបដែលកំពុងទទួលបានការចាប់អារម្មណ៍ខ្លាំង ក្រោយបង្ហាញមុខក្នុងការសម្ដែងMV បទចម្រៀងនាពេលកន្លងមក។ ពិតណាស់ បើទោះបីនាងមិនសូវបង្ហាញស្នាដៃសម្ដែងច្រើនដូចតារាស្រីផ្សេងៗ ប៉ុន្តែតារារូបនេះពិតជាទទួលបានការចាប់អារម្មណ៍យ៉ាងខ្លាំងពីទស្សនិកជន និងអ្ន្កកលេងបណ្ដាញសង្គមគ្រប់ស្រទាប់តែម្ដង។

ជាមួយគ្នានេះដែរ បើក្រឡេកទៅមើលរូបសម្រស់របស់កញ្ញា ស៊ូឈីន នាងពិតជាមានមុខមាត់ស្រស់ស្អាត ឃ្យូតខ្លាំង ហើយគ្រប់ពេលដែលនាងតុបតែងខ្លួនម្ដងៗ តែងតែធ្វើឲ្យហ្វេនមិននារីឬបុរសឡើយលង់គ្រប់ៗគ្នា។ ក្នុងនោះដែរ បើក្រលេកទៅមើលជីវិតឯកជនវិញ ថ្មីៗនេះគេដឹងថាតារាសម្ដែងរូបនេះ កំពុងមានទំនាក់ទំនងស្នេហាជាមួយបុរសវ័យក្មេងក្រៅរង្វង់សិល្បៈម្នាក់ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ស្របពេលដែលបង្ហាញពីទំនាក់ទំនងស្នេហាខ្លួនលើបណ្ដាញសង្គមឲ្យហ្វេនបានដឹង គេតែងតែឃើញកញ្ញា ស៊ូឈីន ឧស្សាហ៍បង្ហោះរូបស្វីតៗ ឱបថើបគ្នាជាមួយគូស្នេហ៍យ៉ាងផ្អែមល្ហែមខ្លាំង។ ជាពិសេស បើមើលតាមរូបភាពនាងជាមួយគូស្នេហ៍ ពិតជាយល់ចិត្តគ្នា ព្រមទាំងបង្ហាញស្នាមញញឹមយ៉ាងមានក្ដីសុខ ខណៈបាននៅក្បែរគ្នាយ៉ាងដូច្នេះ។ មិនតែប៉ុណ្ណោះ ស្របពេលដែលបង្ហាញមុខសង្សារជាសាធារណៈ គេឃើញមានអ្នកគាំទ្រជាច្រើន បានចូលទៅCommentអបអរ និងសរសើរពីទំនាក់ទំនងស្នេហានាងគ្រប់ៗគ្នា៕

សូមទស្សនារូបភាពខាងក្រោម៖ 

• ស៊ូឈីន
• រូបភាព
• តារាខ្មែរ