Choi Ye Na ចេញមុខបដិសេធ ក្រោយមានពាក្យចចាមអារ៉ាម

កូរ៉េខាងត្បូង៖ កាលពីពេលថ្មីៗនេះ អតីតសមាជិកក្រុម IZ*ONE នាង Choi Ye Na បានចេញមុខធ្វើការបដិសេធពាក្យចចាមអារ៉ាមថ្មីៗនេះ អំពីការពាក់ព័ន្ធរបស់នាងជាមួយនាយកប្រតិបត្តិ (CEO) របស់ខ្លួន។

នៅថ្ងៃទី ០៦ ខែធ្នូ តារាចម្រៀង Choi Ye Na បានសរសេរសេចក្តីថ្លែងការណ៍របស់នាងនៅលើគេហទំព័រផ្លូវការរបស់ផលិតកម្ម Yuehua Entertainment ។ សេចក្តីថ្លែងការណ៍របស់នាងមានដូចខាងក្រោម៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជំរាបសួរ, នេះគឺជា Choi Ye NA ។ ខ្ញុំពិតជាមានអារម្មណ៍ស្ទាក់ស្ទើរក្នុងការដោះស្រាយបញ្ហានេះជាមួយអ្នកគាំទ្ររបស់ខ្ញុំ។ ប៉ុន្តែ ទីបំផុតខ្ញុំបានប្រឹងប្រែងសរសេរដោយក្លាហាន ព្រោះខ្ញុំមិនបានឃើញឈ្មោះរបស់ខ្ញុំពាក់ព័ន្ធជាមួយពាក្យចចាមអារ៉ាមដ៏គួរឱ្យភ្ញាក់ផ្អើលបែបនេះនោះទេ។ខណៈខ្ញុំកំពុងញ៉ាំអាហារនៅផ្ទះ ខ្ញុំដឹងថាដំបូងខ្ញុំត្រូវបានគេដាក់ឈ្មោះថាជាមនុស្សនៃពាក្យចចាមអារ៉ាមអាក្រក់មួយ បន្ទាប់ពីអានអត្ថបទមួយ។ខ្ញុំមានការងឿងឆ្ងល់ជាខ្លាំងដែលឃើញឈ្មោះរបស់ខ្ញុំល្បីសុះសាយយ៉ាងឆាប់រហ័ស ហាក់ដូចជាការពិត នៅពេលដែលខ្ញុំមិនបានជួប ឬមានទំនាក់ទំនងជាមួយនាយកប្រតិបត្តិនោះទេ ហើយក៏គ្មានការពាក់ព័ន្ធអ្វីទាំងអស់។

Choi Ye Na

ក្នុងនោះដែរ តារាចម្រៀងរូបនេះ បន្តទៀតថា៖

ខ្ញុំមិនយល់ទេថា ហេតុអ្វីខ្ញុំត្រូវឆ្លងកាត់រឿងមុនៗបែបនេះ ខណៈពេលដែលខ្ញុំកំពុងប្រឹងប្រែងធ្វើការ ស្វែងរកក្តីសុបិនរបស់ខ្ញុំ... ហើយខ្ញុំនៅតែខកចិត្ត និងតូចចិត្តព្រោះវាហាក់បីដូចជាមនុស្សជាច្រើនកំពុងជឿពាក្យចចាមអារ៉ាមបែបនេះ។ វាធ្វើឱ្យខ្ញុំឈឺចាប់ក្នុងការគិតថាតើអ្នកគាំទ្ររបស់ខ្ញុំនឹងភ្ញាក់ផ្អើលប៉ុណ្ណាចំពោះរឿងនេះ។ ខ្ញុំមិនមែនជាមនុស្សនៃពាក្យចចាមអារ៉ាមនោះទេ។ ខ្ញុំក៏មិនពាក់ព័ន្ធនឹងវាបន្តិចដែរ។ កុំបារម្ភអី។ វាជារឿងសោកសៅ និងគួរឱ្យភ្ញាក់ផ្អើល ខណៈដែលខ្ញុំកំពុងព្យាយាមផ្តោតលើការងាររបស់ខ្ញុំម្តងទៀតសម្រាប់អ្នកគាំទ្ររបស់ខ្ញុំ។ ខ្ញុំសន្យាថាខ្ញុំនឹងបង្ហាញខ្លួនឯងម្តងទៀតថាជា វិជ្ជមាន រឹងប៉ឹង និងធន់ដូចដែលខ្ញុំធ្លាប់ធ្វើ។ រដូវរងាបានមកដល់ហើយ។ ខ្ញុំសង្ឃឹមថា គ្មាននរណាម្នាក់រងគ្រោះពីបញ្ហានេះទៀតទេ។ យល់ហើយមែនទេ? សូមដាក់សុខភាពជាអាទិភាពចម្បងមុនសិន៕

Choi Ye Na

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

Choi Ye Na ចេញមុខបដិសេធ ក្រោយមានពាក្យចចាមអារ៉ាម

In Case You Missed It