សូមថ្វាយព្រះរាជអាល័យ! នេះជាទិដ្ឋភាពព្រះមេរុ ត្រៀមបូជាព្រះសពសម្តេចក្រុមព្រះ

រាជធានីភ្នំពេញ÷ នៅព្រឹកថ្ងៃទី៨ ខែធ្នូ ឆ្នាំ២០២១ ព្រះមេរុ ដែលបានតម្លើងរួចស្រេចបរិបូណ៌ នៅក្នុងបរិវេណវត្តបទុមវតីរាជវរារាម បាននឹងកំពុងត្រៀមសម្រាប់ប្រារឰព្រះរាជពិធីថ្វាយព្រះរាជទានភ្លើងព្រះសពសម្តេចក្រុមព្រះ នរោត្តម រណឫទ្ធិ ប្រធានឧត្តមក្រុមប្រឹក្សាព្រះមហាក្សត្រនៃព្រះរាជាណាចក្រកម្ពុជាដែលនឹងប្រព្រឹត្តទៅនៅថ្ងៃទី៨ ខែធ្នូ ឆ្នាំ២០២១នេះផ្ទាល់តែម្តង។

សូមរំលឹកផងដែលថា សម្តេចក្រុមព្រះនរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច និងជាព្រះប្រធានក្រុមឧត្ដមប្រឹក្សាផ្ទាល់ព្រះមហាក្សត្រ ទ្រង់សោយព្រះទិវង្គតនៅថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២៨ ខែវិច្ឆិកា ឆ្នាំ២០២១ ក្នុងព្រះជន្មាយុ៧៧ព្រះវស្សា ដោយព្រះរោគាពាធ នៅសាធារណរដ្ឋបារាំង៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• រូបភាព