ទោះមានលុយច្រើនក៏ Nicholas Tse ត្រូវគេរិះគន់រឿងមិនខ្វាយខ្វល់ពីកូនៗ

ហុងកុង៖ ការ​សម្រេច​ចិត្ត​លែងលះ​ភរិយា និងបានវិលត្រឡប់ មក​រួម​គ្នា​ជាមួយ​អតីត​គូស្នេហ៍វិញ បាន​ធ្វើ​ឱ្យ​ តារាប្រុស លោក Nicholas Tse មានភាព​ចម្រូងចម្រាសយ៉ាងខ្លាំង ​ក្នុង​វិស័យ​កម្សាន្ត​ចិន។ ជាពិសេស តារាប្រុសរូបនេះ ថែមទាំងត្រូវបាន មហាជនលើកឡើងពី ការធ្វេសប្រហែសចំពោះកូនៗ មិនមើលថែកូនប្រុសទាំងពីរឲ្យបានល្អ ដែលធ្វើឲ្យលោកកាន់តែទទួលការរិះគន់យ៉ាងច្រើន។ 

ដោយឡែក ថ្មីៗនេះ យោងតាមទំព័រដ៏ល្បីមួយ បានចែករំលែកពីបទសម្ភាសន៍ចាស់ៗ របស់ Nicholas Tse អំពីទំនាក់ទំនងរបស់ខ្លួន ជាមួយនឹងកូនប្រុសពីរនាក់ ដោយបានសាក​សួរ​ថា ក្នុង​ចំណោម​កូន​ទាំង​ពីរ​ ​នរណា​ដូច​តារាប្រុសរូបនេះជាង ហើយ លោក Nicholas Tse ក៏បាន​ឆ្លើយ​ដោយ​រីករាយ​ថា​ ជា​កូន​ច្បងរបស់ខ្លួន ។ ប៉ុន្តែនៅពេលដែលគេសួរបញ្ជាក់ឲ្យច្បាស់ម្ដងទៀត លោកស្រាប់តែបាននិយាយថា ​ទោះយ៉ាងណា ក៏មានភាពស្រដៀងគ្នាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ប្រភពដដែលនេះ បានអធិប្បាយថា អរគុណចំពោះប្រយោគមួយឃ្លានេះ និងអាចយល់បានថា តារាសម្ដែងរូបនេះហាក់មិនខ្វល់ពីរបៀបរស់នៅរបស់កូនៗឡើយ ព្រោះសំណួរ​ដែល​សួរយ៉ាង​លម្អិត ​ធ្វើ​ឱ្យ​លោក​មិន​អាច​ឆ្លើយ​បាន ព្រមទាំងអាចបង្ហាញទៀតថា លោក Nicholas Tse កម្រ​នឹងទៅ​លេង​កូន​ៗខ្លួន​ណាស់៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន