មុខស្អាតប៉ុណ្ណឹងហើយ Zhao Liying ធ្លាប់ត្រូវអ្នកដឹកនាំរឿង ណែនាំឲ្យកែសម្ផស្សទៀត

ចិន៖ បើទោះបីជាមានរឿងចម្រូងចម្រាសមិនឈប់ឈរ តែ បច្ចុប្បន្ននេះ តារាស្រី Zhao Liying បានក្លាយជា ភាពស្រស់ស្អាត និងការតុបតែងដ៏អស្ចារ្យគួរឱ្យចាប់អារម្មណ៍បំផុត នៅ ក្នុងឧស្សាហកម្មកម្សាន្តរបស់ចិន ដែលក្នុងពេលតែមួយនោះ នាងថែមទាំងទទួលបានការសរសើររាប់មិនអស់ ពីអ្នកគាំទ្រ ទៀតផង។

ដោយឡែក ថ្មីៗនេះ យោងតាមទំព័រដ៏ល្បី Sina ស្រាប់តែមានអត្ថបទមួយ ដែលបានលើកឡើងពីសម្រស់របស់តារាស្រីរូបនេះ នៅ ពេលដែលនាងបានឈានចូលសិល្បៈដំបូងៗ ដោយបានបង្ហើបថា មានអ្នកដឹកនាំ​រឿង​ម្នាក់ ​បាន​ណែនាំ​ឲ្យ Zhao Liying ទៅ ធ្វើការវះកាត់កែសម្ផស្ស ហើយមូលហេតុ​ដែលធ្វើឲ្យមានការណែនាំបែបនេះ គឺ​ដោយសារ​នាង មានមុខ​រាង​មូល​ពេក និង​មើលទៅ មិន​ទាក់ទាញ​កាមេរ៉ា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ នៅ ពេលមួយ ដែលតារាស្រីរូបនេះ បានសាកល្បង​ខ្លួន ធ្វើ​ជា​តារា​បង្ហាញ​ម៉ូត​ឱ្យ​ទស្សនាវដ្ដី នាងក៏ត្រូវបានគេបដិសេធ ដោយសារតែអ្នកជ្រើសរើស គិតថា កម្ពស់ ១,៦៥ ម៉ែត របស់ Zhao Liying គឺនៅ តែមិនគ្រប់គ្រាន់ សម្រាប់ការថតរូប ព្រមទាំងមុខមាត់មិនស៊ីគ្នា ជាមួយនឹងអារម្មណ៍ស៊ីជម្រៅ ។ 

យ៉ាងណាមិញ តាមប្រភពដដែលនេះ ក៏បានរៀបរាប់ថា តារាស្រី Zhao Liying មិនបានបាក់ទឹកចិត្ត ហើយក៏មិនស្តាប់ដំបូន្មានពីការវះកាត់កែសម្ផស្សនោះដែរ។ ប៉ុន្តែ ដោយសារតែការខិតខំប្រឹងប្រែង មិនចេះនឿយហត់ របស់តារាស្រីរូបនេះ ទើបធ្វើឲ្យនាងទទួលបានភាពជោគជ័យជាច្រើន លើវិថីសិល្បៈ ព្រមទាំងមានកេរ្តិ៍ឈ្មោះល្បី ជាមួយនឹងសម្រស់ដ៏មានមន្តស្នេហ៍របស់នាង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន