ភ្នំពេញ៖ នាពេលថ្មីៗនេះ មានហេតុការណ៍គ្រោះថ្នាក់ចរាចរមួយបានកើតឡើង ដោយមានរថយន្តស៊ីទែនប្រេងរបស់ក្រុមហ៊ុន SAVIMEX ចំណុះ១៦០០០លីត្រមួយគ្រឿងបានដាច់កង់រមៀលចេញទៅ បុកម៉ូតូ១គ្រឿងផ្សេងទៀត បណ្តាលឱ្យរងការខូចខាត ចំណែករថយន្តអូសប្រមាណជិត៥០ម៉ែត្រ ចំណែកប្រេងវិញបានហូរពេញផ្លូវ ផ្អើលដល់អ្នកដំណើរ រួមទាំងអ្នកស្រុកនាំគ្នាដួស និងត្រង់បានរាប់សិបកាន តែសំណាងល្អពុំបណ្តាលឱ្យឆាបឆេះក្លាយជាអគ្គីភ័យឡើយ ។
ដោយឡែក បន្ទាប់ពីមានហេតុការណ៍នេះកើតឡើង រថយន្តពន្លត់អគ្គីភ័យចំនួន៥គ្រឿង ទៅត្រៀមអន្តរាគមន៍ ខ្លាចកើតមានអគ្គីភ័យជាយថាហេតុ តែសំណាងល្អណាស់ ដែលពុំការឆាបឆេះកើតឡើងនោះ។ ហេតុការណ៍នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ១១និង២០នាទីព្រឹក ថ្ងៃទី០៨ ខែធ្នូ ឆ្នាំ ២០២១ នៅ ចំណុចគល់ស្ពានព្រែកព្នៅ ខាងកើត តាមបណ្តោយមហាវិថីឈ្នះឈ្នះ ក្នុងភូមិ ព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះរថយន្តដែលដាច់កង់នោះរថយន្តម៉ាក IZUSU ពណ៌ស ពាក់ស្លាកលេខ ភ្នំពេញ ៣A.៩៣៦៨ ជារថយន្តស៊ីទែនប្រេងរបស់ក្រុមហ៊ុន SAVIMEX បានដាច់កង់ក្រោយខាងស្តាំ និងកាច់ដាច់ទុយោបូមប្រេង ។ ចំណែកម៉ូតូដែលកង់រថយន្តរមៀលដឹកកាំបិតពូថៅ លក់ បានរងការខូចខាតផ្នែកខាងមុខ ។
ភ្លាមៗ ក្រោយពីហេតុការណ៍បានកើតឡើង អ្នកដំណើរ ក៏ដូចជា ប្រជាពលរដ្ឋ ដែលរស់នៅជុំវិញបានផ្អើលនាំគ្នា ទៅត្រង និងដួសប្រេង ដែលហូរ និងទៅ ដក់នៅ ទីទំនាបដែលខ្លះ ដោយម្នាក់ៗអាចនឹងបានប្រមាណជាជិត១០កានក៏មានដែរ ។
តាមសាក្សីម្នាក់ក្នុងចំណោមសាក្សីផ្សេងទៀត ដែលបានឃើញហេតុការណ៍នេះ ជាអ្នកបើកម៉ូតូលក់កាំបិតពូថៅ ឈ្មោះ ឡុង ចាន់ចាវ បានបញ្ជាក់ថា នៅ មុនពេលកើតហេតុ ខ្លួនបានជិះម៉ូតូមកពីលក់នៅខេត្តកំពង់ស្ពឺ រួចក៏បានបត់ម៉ូតូត្រឡប់ក្រោយ ប្រុងចុះទិញរ៉ូបឱ្យប្រពន្ធ ស្រាប់តែកង់រថយន្តបានរមៀលចេញរថយន្តតាំងពីលើស្ពានមកបុកបណ្តាលអោយដួល និងរងការខូចខាតតែម្តង ។ បន្ទាប់ពីកើតមានគ្រោះថ្នាក់ប្រុងបង្កឱ្យកើតមានអគ្គីភ័យដែរ តែអ្នកបើកបរ បានយកបំពង់បាញ់ពន្លត់ទាន់ ព្រមទាំងហៅរថយន្ត មកបូមប្រេងចេញ ។
យ៉ាងណាមិញ ចំពោះហេតុការណ៍នេះ នគរបាលបង្ការពន្លត់អគ្គីភ័យ និងសង្គ្រោះនិងក្រុមហ៊ុន OCIC បានចេញរថយន្ត ពន្លត់អគ្គីភ័យចំនួន៥គ្រឿងទៅ ត្រៀមអន្តរាគមន៍ផងដែរ ៕
ប្រភព៖ កោះសន្តិភាព
សូមចូលទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
