ល្អគន់ម្ល៉េះទេ! នេះជាសម្រស់របស់បវរកញ្ញាឡាវ គ្រងឈុតមុនចូលសម្ភាសន៍

តារាកម្សាន្ត៖ កាលពីម្សិលមិញនេះ បវរកញ្ញាឯកចក្រវាលឡាវ នាង Tonkham Phonchanheuang បានសាងភាពភ្ញាក់ផ្អើលជាខ្លាំង ដល់អ្នកគាំទ្រនិងប្រជាជនឡាវដែលជាអ្នកនិយមតាមដានវិស័យបវរកញ្ញាជាខ្លាំង ក្រោយពេលដែលបវរកញ្ញាឯកចក្រវាលដ៏ស្រស់ស្អាតរូបនេះ បានបង្ហោះរូបថតប៉ុន្មានសន្លឹក អមជាមួយនឹងឈុតពណ៌ផ្កាឈូកដ៏ស្រស់ឆើតឆាយ។

ជាក់ស្តែងនៅក្នុងឈុតសម្រាប់ត្រៀមខ្លួនចូលទៅក្នុងវគ្គសម្ភាសន៍ជាមួយគណកម្មការនោះ នាង Tonkham Phonchanheuang បានបង្ហាញរាងដ៏ស្រស់សង្ហា ជាមួយនឹងកម្ពស់ស្តង់ដា អមដោយឈុតអាវវែងពណ៌ផ្កាឈូកដ៏ស្រស់ស្អាត មើលមួយភ្លែតស្មានតែហូលខ្មែរ ដែលធ្វើឲ្យអ្នកគាំទ្រទាំងក្នុងស្រុក និងក្រៅប្រទេសឡាវ ផ្ទុះការលាន់មាត់សរសើរពីសម្រស់តារាស្រីរូបនេះ ពេញបណ្តាញសង្គមតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា កាលពីម្សិលមិញ កម្មវិធីប្រកួតប្រជែងបវរកញ្ញាឯកចក្រវាល បានរៀបចំកម្មវិធីសម្ភាសន៍ជាមួយនឹងបេក្ខនារីជាបវរកញ្ញាមកពីជុំវិញពិភពលោក ដោយពិន្ទុដែលបានមកពីការសម្គាសន៍នេះ ជាលទ្ធផលដ៏សំខាន់ដើម្បីមានឱកាសចូលរួមប្រកួតវគ្គ២០នាក់ចុងក្រោយ៕

ចង់ឃើញថាតើបវរកញ្ញាឡាវស្រស់ស្អាតយ៉ាងណានោះ សូមទស្សនារូបភាពខាងក្រោមទាំងអស់គ្នា៖

• រូបភាព
• តារាអន្តរជាតិ