ទ្រាំមិនបាន បរវកញ្ញាថៃ Anchilee ចេញមកបកស្រាយរឿង គេរិះគន់រូបរាង

ថៃ៖ អាចនិយាយបានថា គឺជា បវរកញ្ញាសម្រស់ពិតព្រមទាំងជាទីពេញចិត្តរបស់ហ្វេនៗជាច្រើន ចំពោះ កញ្ញា Anchilee ដែលជាបវរកញ្ញាចក្រវាលថៃ ឆ្នាំ់ ២០២១ និងកំពុងតែត្រៀមខ្លួន បញ្ចេញសមត្ថភាពលើឆាក បវរកញ្ញាចក្រវាលឆ្នាំ២០២១ ដែលនឹងប្រារព្ធឡើង ក្នុងប្រទេស អ៊ីស្រាអែល។ 

ប៉ុន្តែទន្ទឹមនឹងការពេញចិត្តមួយ Anchilee ហាក់ទទួលរងនូវ​ការ​គំរាម​កំហែង​ និងពាក្យរិះគន់ ទៅលើរូបរាងរបស់នាង មិនឈប់ឈរ ព្រោះ​មនុស្ស​ជា​ច្រើន​គិត​ថា រូបរាងរបស់នាង​មិន​បានត្រូវ​តាម​ស្ដង់ដារ​របស់​ស្រី​ស្អាត​នោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែដោយឡែក កាលពីថ្មីៗនេះ Anchilee បានចេញមកបង្ហោះខ្លឹមសារមួយ នៅលើបណ្ដាញសង្គម Twitter ព្រមទាំងចុច hashtag #RealSizeBeauty ឬអាចហៅថា ភាពស្រស់ស្អាតក្នុងទម្រង់នៃ Real Size Beauty ក៏ដូចជា បានព្យាយាមកែសម្រួលផ្នត់គំនិតរបស់ពួកគេ ព្រោះនាងមានការលើកឡើងថា ​អ្នក​រាល់​គ្នា​សុទ្ធ​តែ​មានភាពស្រស់ស្អាត ​តាម​របៀប​របស់​ខ្លួន។

មិនត្រឹមតែប៉ុណ្ណោះ Anchilee ក៏​បាន​បង្ហាញ​ថា ខ្លួននាង ធ្លាប់ត្រូវ​បាន​គេ​ហៅ​ថា​ ជ្រូក​ ពីការបញ្ចេញ​មតិ​រិះគន់​ក្នុងបណ្ដាញសង្គម ទៀតផង។ តែទោះជាយ៉ាងណា ការ​លើក​ឡើង​បែបនេះ បានធ្វើឲ្យនាង​មក​ចូលរួមការប្រកួត ​ដើម្បី​បដិសេធ​ ពីស្តង់ដារ និង​បទដ្ឋាន​ដែលមានការរិះគន់ទៅលើសម្រស់រូបរាង បែបនោះ ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ