កុំចង់ហក់! Dilraba ឈ្នះក្ដីពីបទរឿងនេះ ក្រោយប្ដឹងទស្សនិកជនម្នាក់

ចិន៖ កាលពីថ្ងៃទី ៩ ខែធ្នូកន្លងទៅ  យោងតាម គេហទំព័រ Sohu បានរាយការណ៍ថា តុលាការនៅទីក្រុងប៉េកាំង បានសម្រេចថា តារាស្រី Dilraba បានឈ្នះក្ដី ពីករណីបទរំលោភបំពានលើកិត្តិយស បន្ទាប់ពីនាងបានប្ដឹងទស្សនិកជន​ម្នាក់ ពី​បទ​ប្រមាថ​កិត្តិយស។

មិនត្រឹមតែប៉ុណ្ណោះ ខាងតុលាការ​បាន​បញ្ជា​ឲ្យ ទស្សនិកជន​ម្នាក់នោះ ​សរសេរ​សំបុត្រ​សុំទោស ទៅកាន់​តារា​ស្រី​រូប​នេះ ទៀតផង។ ដោយឡែក ខាងចុងចោទថែមទាំង បានសារភាពកំហុសថា ខ្លួនពិតជាបានជះឥទ្ធិពលអវិជ្ជមានដល់ Dilraba និងធ្វើឱ្យខូចកិត្តិយសរបស់តារាសម្តែងរូបនេះ ព្រមទាំងបានចាត់ទុកថា នេះជាមេរៀន ដូច្នេះហើយទស្សនិកជនម្នាក់នេះ ក៏បានបញ្ជាក់ថា ខ្លួននឹងមិនបង្ហោះការប្រមាថ ឬព័ត៌មានខុសអំពីអ្នកដ៏ទៃ ទៀតឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត តាមប្រភពដដែលនេះ បានឲ្យដឹងទៀតថា Dilraba បានដាក់ពាក្យបណ្តឹងប្រឆាំងនឹងទស្សនិកជនម្នាក់នេះ និង ព្រមទាំង ១០ នាក់ផ្សេងទៀត ពីបទប្រើពាក្យជេរប្រមាថនាងម្តងហើយម្តងទៀត។ ហើយបន្ទាប់ពីចាញ់ក្ដី គណនីបណ្តាញសង្គមរបស់ទស្សនិកជនរូបនេះ ក៏ត្រូវបានលុបចោល៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន