ទោះជាប់ក្នុងបញ្ជីខ្មៅ Zheng Shuang នៅតែអាចធ្វើរឿងនេះបាន

ចិន៖ កាលពីថ្ងៃទី ៩ ខែធ្នូ ទំព័រ Sina បានរាយការណ៍ថា អតីតតារាស្រី Zheng Shuang បានដាក់ពាក្យប្តឹងក្រុមហ៊ុនផលិតកម្មចំនួន ៥​ ដែលនៅក្នុង​ពាក្យ​បណ្ដឹងនេះ រូបនាង បាន​ចោទប្រកាន់ ​ដៃ​គូ​របស់​ខ្លួន ​ថា​មិន​បាន​បង់​ប្រាក់​សំណង ​ក្នុង​ការថតភាពយន្ត ​ចំនួន ១០៨ លាន​យ័ន (១៦,៩ លាន​ដុល្លារ)។

ម៉្យាងវិញទៀត តារាស្រីរូបនេះ បាន​បន្ត​ថា នាង​បាន​ទាក់ទង​ស្នើរសុំ​ភាគី​ពាក់ព័ន្ធ ឲ្យ​បើក​ប្រាក់​ខែ​ដែល​នៅ​សេសសល់ទៅឲ្យនាង ជាច្រើនដង ប៉ុន្តែ​ក៏ត្រូវ​បាន​គេ​បដិសេធ។ ហើយបច្ចុប្បន្ននេះ មានក្រុមហ៊ុនមួយក្នុងចំណោមនោះ ក៏បានទទួលពាក្យបណ្ដឹង និងការកោះហៅពី តុលាការប្រជាជន ទីក្រុងសៀងហៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈប្រភពដដែលនេះ ខាងតំណាងក្រុមហ៊ុន បាននិយាយថា ពួកគេបានចូលរួមក្នុងគម្រោងថតរឿង ក្នុងនាមជាអ្នកផលិត និងអ្នកវិនិយោគ ប៉ុន្តែមិនបានចុះហត្ថលេខាលើកិច្ចព្រមព្រៀងសេដ្ឋកិច្ចជាមួយនឹង Zheng Shuang និងអង្គភាពពាក់ព័ន្ធផ្សេងទៀតនោះទេ។ ដូច្នេះហើយ ពួកគេនឹងតាមដានយ៉ាងដិតដល់នូវបណ្តឹង ព្រមទាំងចាត់វិធានការផ្លូវច្បាប់ ដើម្បីការពារផលប្រយោជន៍ស្របច្បាប់ របស់ក្រុមហ៊ុន៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន