កូវីដ១៩មិនទាន់ចប់ផង ឥឡូវនៅ ឥណ្ឌារកឃើញផ្តាសាយបក្សីទៀត

ឥណ្ឌា៖ នាពេលថ្មីៗនេះ ប្រទេសឥណ្ឌា បានប្រកាសពីការរកឃើញជំងឺផ្តាសាយបក្សី ក្រោយពីបានយកសំណាក នៅ ពេលដែលសត្វទាជាច្រើនក្បាលបានងាប់ ត្រឹមតែរយៈពេលខ្លីប៉ុណ្ណោះ។

ដោយឡែក អាជ្ញាធរនៅ រដ្ឋKerala ស្រុក Alapuzha ប្រទេសឥណ្ឌា ក្រោយពីមានទាជាប្រមាណរាប់ពាន់ក្បាលបានងាប់ដោយមិនដឹងមូលហេតុ ​ក្រុមគ្រូពេទ្យចុះយកសំណាកសត្វទាសរុប១៤០ ដែលក្នុងនោះមាន២៦សំណាក គឺសុទ្ធតែមានលទ្ធផលវិជ្ជមានផ្តាសាយបក្សី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាគខាងជើងនៃប្រទេសឥណ្ឌាសំបូរទៅ ដោយប្រភពទឹក និងអាងស្តុកទឹកជាច្រើន ដែលភាគច្រើនកសិករចិញ្ចឹមទាជាលក្ខណៈខ្នាតធំតែម្តងនៅ ក្នុងស្រុក ដែលបណ្តាលឱ្យកើតមានជំងឺផ្តាសាយបក្សីជាប្រចាំ។ ចំណែកបក្សីដែលនាំចូលមកពីប្រទេសផ្សេងទៀតត្រូវបានគេរកឃើញថាអ្នកផ្ទុកមេរោគផ្តាសាយបក្សីផងដែរ។

នៅ ស្រុកAlapuzha និង ស្រុកKottayam  ការចិញ្ចឹមទាគឺជាអាជីវកម្មដ៏សំខាន់ ហើយមានតម្រូវការខ្ពស់សម្រាប់ស៊ុត និងសាច់របស់បក្សីដែលរស់នៅ តំបន់ប្រភពទឹក ទូទៅ គឺមានតម្លៃខ្ពស់ជាងបសុបក្សី។

យ៉ាងណាមិញ កាលពីឆ្នាំទៅ  តំបន់ខាងលើនេះក៏មានព័ត៍មានថាផ្ទុះជំងឺផ្តាសាយបក្សី ប៉ុន្តែត្រូវបានអាជ្ញាធរទបស្កាត់បានទាន់ពេលវេលា៕

សូមចូលទស្សនារូបភាពខាងក្រោម៖