លេចរូបបណ្ដើរប្រុសថ្មី Fan Bingbing ត្រូវគេសង្ស័យថាជាគូស្នេហ៍ តែតាមពិតជា...

ចិន៖ ចាប់តាំងពីបែកគ្នាជាមួយនឹង តារាប្រុស លោក Li Chen ក្នុងឆ្នាំ ២០១៩ រឿងរ៉ាវស្នេហារបស់ តារាស្រី Fan Bingbing បានក្លាយជាទីចាប់អារម្មណ៍ពីបណ្ដា អ្នកគាំទ្រជាច្រើន ព្រមទាំងមានពាក្យចចាមអារ៉ាមជាញឹកញាប់ថា តារាស្រីរូបនេះ លួចលាក់មានសង្សារថ្មី ប៉ុន្តែមិនបានផ្តល់ចម្លើយច្បាស់លាស់ណាមួយឡើយ។ 

ដោយឡែក កាល​ពី​ថ្មីៗនេះ ស្រាប់តែមាន អ្នក​សរសេរ​ប្លុក​ម្នាក់​ បាន​ចែក​រំលែក​រូបភាព​ចុង​ក្រោយ​បង្អស់​ របស់ តារាស្រី Fan Bingbing ដែលបានបង្ហាញខ្លួន នៅ​ព្រលាន​យន្តហោះ​ ក្រុង​សៀងហៃ។ នៅក្នុងនោះដែរ តារាស្រីរូបនេះ ថែមទាំងមានការតុបតែងខ្លួនបិទជិតឈឹង ពាក់មួក វ៉ែនតា និងរបាំងមុខ ជាពិសេស បានធ្វើឲ្យអ្នកលេងអ៊ីនធើណេត ចាប់អារម្មណ៍ខ្លាំងឡើង បន្ទាប់ពីបង្ហាញសកម្មភាពដ៏ស្និទ្ធស្នាល កាន់ដៃបុរសអាថ៌កំបាំងម្នាក់ និងធ្វើឲ្យមានមតិ​មួយ​ចំនួន​ បាន​សង្ស័យ ក៏ដូចជា ចោទ​សួរ​ថា​តើ ​នេះគឺ​ជា​មិត្ត​ប្រុស​របស់ Fan Bingbing ឬយ៉ាងណា។ ​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែបន្ទាប់ពីមានការសួរនាំយ៉ាងច្រើនបែបនេះ បណ្ដាអ្នក​គាំទ្ររបស់ Fan Bingbing បានចេញមកបញ្ជាក់ថា បុរស​ដែល​ដើរ​ក្បែរនោះ គឺជា​ឪពុក​បង្កើត​របស់​នាង ដែលនៅក្នុងឆ្នាំនេះ លោកឪពុករបស់នាងគឺមានវ័យ ៧០ ឆ្នាំទៅហើយ ប៉ុន្តែស្ទីលនៃការតែងខ្លួន និងភាពស្រស់សង្ហា បានធ្វើឲ្យ មនុស្សជាច្រើន គិតថា លោកឪពុករបស់នាង គឺមានអាយុត្រឹមតែ ៤០ ឆ្នាំប៉ុណ្ណោះ ដែលបណ្ដាលឲ្យគ្រប់គ្នា មានការសង្ស័យ និងយល់ច្រឡំ ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន