អ្នកច្នៃម៉ូត រើសប្រធានបទ «សត្វក្ងោក» លើឈុតរាត្រីស្រមោលស សម្រាប់ ប៊ី សុធារី ព្រោះតែ...

រាជធានីភ្នំពេញ ៖ ពិតណាស់ កញ្ញា ប៊ី សុធារី ជាបវរកញ្ញាតំណាងឲ្យកម្ពុជាដំបូងគេ ចូលរួមក្នុងការប្រកួតសម្រស់ Miss Charm International ឆាប់ៗនេះ ក្នុងទឹកដីប្រទេសវៀតណាម។

យ៉ាងណាមិញ ការប្រកួតកាន់តែជិតមកដល់ កញ្ញា ប៊ី សុធារី បានទម្លាយរូបភាពផ្នែកខ្លះៗពី ឈុតស្រមោលស ដែលច្នៃដោយ ហាងZuperior ដោយក្នុងនោះ ម្ចាស់ហាងផ្ទាល់បាន បញ្ជាក់ពីមូលហេតុរើសយក ប្រធានបទ «សត្វក្ងោក» ដាក់លើឈុតរាត្រីស្រមោលស ឫ Evening gown ក៏ព្រោះតែ សត្វក្ងោកជា បក្សីដែលកំពុងទទួលការអភិរក្សក្នុងប្រទេសកម្ពុជា មិនតែប៉ុណ្ណោះ សត្វក្ងោកជា សត្វអង់អាច និងស្រស់ស្អាត ដូច្នេះ បើយកមកច្នៃជាឈុតប្រាកដជា ទទួលការចាប់អារម្មណ៍ច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត អ្វីដែលពិសេសនោះគឺ អ្នកច្នៃម៉ូតរើសយក សត្វក្ងោក ក៏ព្រោះ ឈុតដែល កញ្ញា ប៊ី សុធារី ធ្លាប់បានស្លៀកឡើងឆាកដំបូងនោះ ជាឈុតហូលរូបក្ងោក ទន្ទឹមនឹងនោះ ក៏ចង់បង្កប់ ការរំលឹកដល់បងប្អូនអ្នកគាំទ្រ ឲ្យចងចាំ នារីម្នាក់នេះ ដែលជា នារីខ្មែរដំបូងគេ ដែលបានបោះជំហានក្នុងឆាកប្រកួតសម្រស់ដល់ធំ លំដាប់ថ្នាក់ពិភពលោក Miss Universe ជាមួយគ្នានេះ អ្នកច្នៃម៉ូត បន្ថែមថា ឈុតនេះ ប្រើរយៈពេលដល់ទៅ ៣ខែ ព្រោះ អង្កាំត្រូវចាក់ម្តងមួយៗដោយដៃផ្ទាល់ ហើយពណ៌អង្កាំ ត្រូវរកឲ្យដូចពណ៌ស្លាបក្ងោកពិតៗផងដែរ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ប៊ី សុធារី
• ការងារ
• ជីវិត
• វីដេអូ
• រូបភាព
• តារាខ្មែរ