មានអាយដលអ្នកអត់? នៅក្មេងមែន ប៉ុន្តែបេក្ខនារីMiss Teenកម្ពុជា ក្លាហាន និងសមត្ថភាពពេញខ្លួន

ភ្នំពេញ៖ កម្មវិធី Miss Teen International Cambodia ជាកម្មវិធីប្រកួតបវរកញ្ញាយុវវ័យដ៏ធំជាងគេបង្អស់លើសកលលោក ហើយកម្មវិធីមួយនេះជ្រើសបេក្ខនារីដែលមានអាយុចាប់ពី១៤ឆ្នាំ ដល់១៩ឆ្នាំ ដែលមានកម្ពស់ចាប់ពី ១៥៥cmឡើងទៅ។ ពិតណាស់ នេះជាលើកដំបូងដែលប្រទេសកម្ពុជា បានរៀបចំការប្រកួតមួយនេះឡើង ដើម្បីផ្ដល់ឱកាសដល់ប្អូនៗនារីៗ បញ្ចេញសមត្ថភាព និងបានបំពេញនូវក្ដីស្រមៃចង់ក្លាយជាបវរកញ្ញា។

ជាមួយគ្នានេះដែរ កម្មវិធីMiss Teen International Cambodia ក៏កំពុងស្វែងរកបេក្ខនារីជើងខ្លាំងតែមួយរូប ដើម្បីទទួលបានសិទ្ធទៅចូលរួមប្រកួតលើឆាកអន្តរជាតិនាពេលខាងមុខនេះ។ ក្នុងនោះដែរ ថ្មីៗនេះកម្មវិធីមួយនេះក៏បានជម្រុះបេក្ខនារីចំនួន១០០នាក់ មកនៅត្រឹម៤០នាក់ ដើម្បីមានឱកាសប្រកួតវគ្គបន្តបន្ទាប់ទៀត ប៉ុន្តែបេក្ខនារី២រូបបានសុំដកខ្លួនចេញពីកម្មវិធី។ ស្របពេលជម្រុះពីមួយវគ្គទៅមួយវគ្គ គេឃើញបេក្ខនារីជាច្រើនសុទ្ធសឹងតែមានទេពកោសល្យ និងសមត្ថភាពខ្លាំងគ្រប់ៗគ្នាតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ទន្ទឹមនឹងមានសមត្ថភាពខ្លាំង បេក្ខនារីទាំងអស់ក៏មានភាពក្លាហានក្នុងការបង្ហាញខ្លួននៅមុខគណៈកម្មការជាច្រើនរូប។ ម្យ៉ាងវិញទៀត បើទោះបីបេក្ខរីMiss Teen International Cambodia ទើបតែមានវ័យ១០ជាងឆ្នាំ នៅក្មេងខ្ចីក៏ពិតមែន ប៉ុន្តែការតាំងចិត្ត និងភាពអំណត់របស់ពួកគេពិតជាមិនធម្មតាឡើយ រហូតទទួលបានពាក្យសរសើរមិនដាច់មាត់ ចេញពីមាត់ពីគណៈកម្មការផ្ទាល់តែម្ដង។ លើសពីនេះទៅទៀត បើនិយាយដល់រូបសម្ផស្ស បេក្ខនារីបវរកញ្ញាយុវវ័យកម្ពុជាគ្រប់រូបពិតជាមានមុខមាត់ និងរូបរាងស្រស់ស្អាតគ្រប់ៗគ្នាទៀតផង៕

សូមទស្សនារូបភាពបេក្ខនារី Miss Teen International Cambodiaខាងក្រោម៖ 

• រូបភាព