ចៃដន្យម៉្លេះ! រង់ចាំ២១ឆ្នាំ ទើបឥណ្ឌាបានគ្រងមកុដម្តងទៀត ស្រាប់ បវរកញ្ញាឯកចក្រវាលឆ្នាំនេះ​អាយុ២១ឆ្នាំ

បរទេស៖ ព័ត៌មានទាំងក្នុងស្រុក ក៏ដូចជាក្រៅស្រុកលើបណ្តាលពិភពលោកបានចេញផ្សាយដែល បវរកញ្ញា Harnaaz Sandhu មកពីប្រទេសឥណ្ឌា បានគ្រងមកុដបវរកញ្ញាចក្រវាលឆ្នាំ ២០២១ កាលពីថ្ងៃអាទិត្យ ដែលជាការប្រកួតវគ្គផ្តាច់ព្រ័ត្រ បវរកញ្ញា ដែលរៀបចំនៅឆ្នាំនេះ នៅភាគខាងត្បូង ប្រទេសអ៊ីស្រាអែល។

ទន្ទឹមនឹងនេះដែរ សមត្ថភាពខ្លាំងរបស់បវរកញ្ញារូបនេះ ដែលបានក្លាយជាម្ចាស់ជ័យលាភី ក្នុងការគ្រងមកុដ បវរកញ្ញាឯកចក្រវាលលើកទី ៧០ ក្រោយប្រទេសដែលមានអរិយធម៌វ័យចំណាស់មួយនេះ ខកខានបានគ្រង់មកុដបវរកញ្ញចក្រវាល អស់រយ:ពេលជាង ២១ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នេះបើគេគិតចាប់តាំងពីឆ្នាំ ២០០០ ដែលប្រទេសឥណ្ឌាបានគ្រងមកុដបវរកញ្ញាចក្រវាល ដែលគេបានដឹងថា បវរកញ្ញា Lara Dutta ជាបវរកញ្ញាចក្រវាលឆ្នាំ ២០០០។ ខណៈដែលវាជារឿងចៃដន្យផងដែរ ដែល បវរកញ្ញា Harnaaz Sandhu មកពីប្រទេសឥណ្ឌា បានក្លាយជា បវរកញ្ញាចក្រវាលឆ្នាំ ២០២១ ស្ថិតនៅក្នុងវ័យ ២១​ ឆ្នាំ ដែលបានធ្វើឲ្យគេលើកមកនិយាយគ្រប់គ្នា អ្វីៗសុទ្ធតែលេខ ២១ តែម្តង៕

សូមទស្សនារូបភាពខាងក្រោម៖

• តារាអន្តរជាតិ