ស្លៀកឈុតបែបនេះ ម៉ារីម៉ា កាន់តែដូចទេពធីតា

អ៊ីស្រាអែល៖ កាលពីថ្ងៃទី ១៣ ខែធ្នូ កន្លងទៅនេះ  កម្មវិធីប្រកួតបវរកញ្ញាចក្រវាល ២០២១ ក៏ត្រូវបានប្រារព្ធឡើងជាផ្លូវការ ដោយមានការចូលរួមពីបេក្ខភាពតំណាងប្រទេសដ៏ស្រស់ស្អាតជាច្រើន មកពីជុំវិញពិភពលោក​ព្រមទាំងរកឃើញម្ចាស់ម្កុដនៅក្នុងឆ្នាំនេះ ផងដែរ។ 

ម៉្យាងវិញទៀត មិនត្រឹមតែមានការចាប់អារម្មណ៍ទៅលើបវរកញ្ញាតំណាងប្រទេសនីមួយៗនោះទេ សូម្បីតែ គណកម្មការនៅក្នុងកម្មវិធីប្រកួតនេះ ក៏ត្រូវបានមហាជនជាច្រើន កំពុង​រង់ចាំ​មើលពីការបង្ហាញរបស់ពួកគេទៀតផង។ យ៉ាង​ណា​មិញ តារាស្រី Marian Rivera ដែលជាគណកម្មការម្នាក់ក្នុងចំណោមនោះ បានចេញមក​បង្ក​ភាពភ្ញាក់ផ្អើល នៅលើ​បណ្ដាញ​សង្គម​ ជាមួយនឹងរូបថតបង្ហាញសម្រស់ដ៏ស្រស់សោភាពរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាស្រីរូបនេះ បានបង្ហាញខ្លួនដ៏​គួរ​ឲ្យ​គយគន់ និង​ភាព​ឡូយឆាយ ដោយបានតុបតែងខ្លួនស្លៀកឈុតពណ៌ស រចនាម៉ូតឡើងយ៉ាងប្រណីត បញ្ចេញស្មា ដែលមើលទៅ មានភាពសាកសមជាមួយនឹងរូបរាងរបស់នាងយ៉ាងខ្លាំង ជាពិសេស ជាមួយនឹងទម្រង់មុខ ច្រមុះខ្ពស់ បានធ្វើឲ្យនាងកាន់តែមានមន្ត​ស្នេហ៍​ដ៏ទាក់​ទាញ គួរឲ្យសរសើរពីហ្វេនៗជាច្រើន៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ