ស្រលាញ់ប្រពន្ធណាស់ ដើរតាមផ្លូវ Justin កាន់ដៃ Hailey ឡើងស្អិតមិនលែង

បរទេស៖ ពិតណាស់ បើទោះជាមានពេលខ្លះមានភាពចម្រូងចម្រាស់បន្តិចមែន តែគេសង្កេតឃើញថាចំណងស្នេហ៍រវាង Justin Bieber និង Hailey Bieber នៅ ក្នុងពេលនេះគឺហាក់បីដូចស្រមោច និងស្ករដដែល ដែលពួកគេតែងតែបង្ហាញភាពស្និទ្ធស្នាល និងក្តីស្រលាញ់ចំពោះគ្នាទៅ វិញទៅ មក។

ជាមួយគ្នានេះ បើទោះបីជា គូស្វាមីភរិយាមួយគូនេះ បានជួបរឿងរ៉ាវជាច្រើនក្នុងជីវិតគូរបស់អ្នកទាំងពីរច្រើនលើសលប់យ៉ាងណាក្តី ក៏  Justin bieberនិង Hailey នៅ តែបន្តរស់នៅ យល់ចិត្តគ្នា ថែមទាំងជារឿយៗពួកគេតែងមានដំណើរកម្សាន្តបែបរ៉ូមែនទិក សាងអនុស្សាវរីយ៍ជាបន្តបន្ទាប់ដោយមិនខ្វល់ពីអ្នកណាមិនពេញចិត្តនោះទេ។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង នៅក្នុងពេលថ្មីៗនេះ Hailey និងស្វាមី បានធ្វើឱ្យមហាជនជាច្រើនមានក្ដីរំភើបនិងកាន់តែច្រណែនអ្នកទាំងពីរ បន្ទាប់ពីបានឃើញ Justin ផុសរូបស្វីតៗលើបណ្ដាញសង្គម ខណៈពេលដើរតាមដងផ្លូវសាធារណ។ ដោយក្នុងនោះJustin បង្ហាញពីភាពស្និតស្នាល ដោយដើរកាន់ដៃភរិយាឡើងជាប់ ថែមទាំងថើបគ្នាកណ្ដាលផ្លូវ ឲ្យហ្វេនចង់លើសជាតិស្ករផងដែរ៕

សូមទស្សនារូបភាពខាងក្រោម៖

• តារាអន្តរជាតិ