ទីបំផុត! ចិនរកឃើញជាលើកដំបូង មេរោគបំប្លែងខ្លួន omicron ក្នុងតំបន់…

ចិន៖ អាជ្ញាធរសុខាភិបាលនៅទីក្រុងកំពង់ផែ Tianjin ភាគខាងជើងនៃប្រទេសចិន បានរកឃើញករណីដំបូងនៃមេរោគបំប្លែងថ្មី Omicron នៅលើដីគោករបស់ប្រទេសចិនស្របពេលដែលខេត្តសង្វាក់ផលិតកម្មដ៏ធំគឺខេត្ត Zhejiang បាននឹងកំពុងប្រយុទ្ធប្រឆាំងនឹងចង្កោមរីកដាលនៃជំងឺកូវីដ១៩ ដំបូងរបស់ខ្លួននៅឆ្នាំនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ បើតាមកាសែត Tianjin Daily បានរាយការណ៍ថា មេរោគបំប្លែងថ្មី Omicron ត្រូវបានរកឃើញលើ អ្នកដំណើរម្នាក់ដែលបានមកដល់ទីក្រុង Tianjin ពីបរទេស កាលពីថ្ងៃទី ៩ខែធ្នូ ដោយបន្ថែមថាអ្នកជំងឺកំពុងត្រូវបានព្យាបាលដោយឡែកនៅក្នុងមន្ទីរពេទ្យហើយនាពេលនេះ។

ជាមួយគ្នានេះ កាសែតរដ្ឋចិន Global Times បានរាយការណ៍ថា អ្នកជំងឺគឺជាជនជាតិប៉ូឡូញ ដែលបានមកដល់ទីក្រុង Tianjin ពីទីក្រុង Warsaw ហើយពុំមានរោគសញ្ញា។

ដោយឡែក លោក Zhong Nanshan អ្នកជំនាញខាងជំងឺផ្លូវដង្ហើមកំពូលរបស់ប្រទេសចិន ត្រូវបានដកស្រង់សម្តីថា "យើងមិនចាំបាច់ភ័យខ្លាចចំពោះមេរោគបំប្លែងថ្មី Omicron តែយើងត្រូវអនុវត្តគោលនយោបាយសូន្យថាមវន្ត (dynamic zero-case policy)និងគោរពយ៉ាងតឹងរ៉ឹងនូវវិធានការបង្ការ និងត្រួតពិនិត្យច្បាស់លាស់"។

គិតត្រឹមថ្ងៃទី ១២ ខែធ្នូនេះ ប្រទេសចិន ប្រកាសរកករណីឆ្លងកូវីដ១៩ សរុបចំនួន ៩៩,៧៨០ ករណីហើយ រួមទាំងអ្នកដំណើរដែលមកពីបរទេសផងដែរ៕

ប្រភព៖ abc news