Nicholas Tse ស្រាប់តែស្រក់ទឹកភ្នែក ពេលនិយាយដល់អតីតប្រពន្ធ

ហុងកុង៖ ថ្វីត្បិតតែ ជីវិតអាពាហ៍ពិពាហ៍ មានរយៈពេលត្រឹមតែ ៦ ឆ្នាំក្ដី ប៉ុន្តែរឿងរ៉ាវនៅក្នុងទំនាក់ទំនងអតីតគូស្វាមីភរិយា តារាប្រុស លោក Nicholas Tse និង តារាស្រី​ Cecilia Cheung នៅតែមានការតាមដានពីមហាជន រហូតមកដល់បច្ចុប្បន្ននេះ។ មិនត្រឹមតែប៉ុណ្ណោះ ក៏មានមតិជាច្រើនទៀត បាន រិះគន់ចំពោះ លោក Nicholas Tse ថា គ្មានទំនួលខុសត្រូវ ក្នុងការមើលថែកូន ដែលទុកឲ្យអតីតភរិយាទទួលបន្ទុកតែម្នាក់ឯង ផងដែរ។ 

ដោយឡែក ថ្មីៗនេះ យោងតាម ទំព័រដ៏ល្បីមួយ BJH ស្រាប់តែមានអត្ថបទ បង្កជាភាពរំជើបរំជួលនៅពេលដែលបានលើកឡើង ពីរឿងចាស់ៗកាលពីមុន របស់ លោក Nicholas Tse ។ ដោយក្នុងពេលសន្ទនាមួយ ដែលតារាប្រុសរូបនេះ បាននិយាយដល់អតីតភរិយា នាង Cecilia Cheung រូបលោកក៏បានស្រក់ទឹកភ្នែក និង​បាន​សារភាព​ថា មិន​ថា​មាន​រឿង​អ្វី​កើត​ឡើង​នោះ Cecilia Cheung បាន​ធ្វើ​អ្វីម៉្យាង​ដែល​បានចាក់ដោតអារម្មណ៍របស់លោកខ្លាំងណាស។ ហើយ នាង​តែងតែ​មើល​ថែ​កូន​បានយ៉ាងល្អ និងមិន​ដែល​និយាយពីរឿង​ឈឺ​ចាប់​ពី​មុន​ នៅ​ចំពោះ​មុខ​កូនៗនោះទេ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ យោងតាមសកម្មភាពនេះ គឺពិតជាគ្រប់គ្រាន់ ដើម្បីបញ្ជាក់បានថា លោក Nicholas Tse បានគោរព និងដឹងគុណ ចំពោះអតីតភរិយារបស់ខ្លួនយ៉ាងខ្លាំង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន