សម្លៀកបំពាក់​តារាស្រីកូរ៉េទាំងនេះ ​រង​ការ​រិះគន់ពី Hater យ៉ាងចាស់ដៃ

កូរ៉េខាងត្បូង៖ បើទោះបីជាមានឈ្មោះល្បីល្បាញ មានអ្នកគាំទ្រច្រើន និងមានភាពសម្រិតសម្រាំងខ្លាំងលើគ្រប់សកម្មភាពសិល្បៈ ឬការបញ្ចេញស្នាដៃសិល្បៈនានាយ៉ាងណាក៏ដោយ សម្រាប់តារាស្រីមកពីក្រុមចម្រៀងកូរ៉េល្បីៗទាំងនេះ នៅ តែមិនអាចគេចផុតពីការរិះគន់ និងការមិនពេញចិត្តពីមហាជនមួយចំនួន។

ដោយក្នុងនោះ កាលពីមួយរយៈមុន តារាស្រីទាំងនេះ ត្រូវបានគេរិះគន់ខ្លាំងៗទៅ លើសម្លៀកបំពាក់របស់ពួកគេនៅ ពេលចូលរួមកម្មវិធីនានា និងការថតចម្រៀង MV ជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិសេស រូបថតដែលពួកគេបានថតជាមួយសម្លៀកបំពាក់ទាំងនោះ ក៏ត្រូវបានលុបចោលភ្លាមៗ និងបានចេញមុខសុំទោសជាសាធារណៈចំពោះកំហុសឆ្គងនោះថែមទៀតផង៕

១.Jennie (BLACKPINK) 

លើកដំបូងដែលត្រូវបានគេរិះគន់ពី Jennie គឺនៅ ក្នុង MV បទចម្រៀង Lovesick Girls ដោយតារារ៉េបស្រីរូបនេះបានស្លៀករ៉ូបគិលានុបដ្ឋាយិកាខើចខ្លី និងពាក់ស្បែកជើងកែងខ្ពស់ពណ៌ក្រហម។ ថ្វីត្បិតតែធ្វើឡើងដោយគ្មានមានចេតនាក៏ដោយ ប៉ុន្តែរូបភាពរបស់ Jennie នៅ តែត្រូវបានអ្នកនិយមលេងអ៊ីនធឺណេត ចាត់ទុកជារូបភាពស៊ិចស៊ីជ្រុល មិនសមរម្យក្នុងក្រមសីលធម៌គិលានុបដ្ឋាយិកា។ ហើយកំហុសដ៏ធំនេះ ត្រូវបានផលិតកម្ម YG លុប​នូវឈុត​ដែល Jennie ពាក់ទាំង​នេះ​ចេញ​ពី MV ភ្លាមៗ។

២.Dahyun (Twice)

នាងក៏មានរឿងរ៉ាវស្រដៀង Jennie ដែរ។ នៅ ពេលដែលនាងជា Trainee ចូលរួមក្នុងកម្មវិធី JYP ​​survival តារាស្រីរូបនេះបានបង្កភាពមិនស្រួល នៅ ពេលដែលបានពាក់អាវជាមួយនឹងរូបភាពក្មេងស្រីតុក្កតាដែលបង្ហាញពីកំប៉េះគូទយ៉ាងច្បាស់ៗ។

៣.Jihyo(Twice)

នាងបានស្លៀក​សម្លៀក​បំពាក់​រចនាបទបែបជា​ជនជាតិ​ដើមអាមេរិក ជាមួយអាវរោមសត្វពណ៌​​ត្នោត និងគូសមុខក្រវេមក្រវាម​ក្នុង​ឱកាស​បុណ្យ Halloween។ វាមិនមានបញ្ហាអ្វីធំដុំទេ ប៉ុន្តែតារាស្រីរូបនេះបានធ្វើឲ្យអ្នកនិយមលេងអ៊ីនធឺណេតមានការរំជើបរំជួល និងនាំគ្នាវែកញែកថា ស្លៀកពាក់បែបនេះជាការប្រមាថដល់វប្បធម៌របស់កុលសម្ព័ន្ធជនជាតិដើមភាគតិច។

៤.Yerin (GFriend)

ក៏​ត្រូវ​បាន​គេ​រិះគន់​ដែរ​ ចំពោះ​ការ​ពាក់​អាវ​ដែល​មាន​ពាក្យ «Everything is Sh**t»។ ពាក្យនេះ វាមានអត្ថន័យមិនសមរម្យ និងមិនគួរឲ្យស្ដាប់ ដែលបណ្តាលឲ្យរូបភាពរបស់តារាស្រីត្រូវបានលុបចោល។

ប្រភព៖ kenh14.vn

• រូបភាព
• តារាកូរ៉េ