ចក្រភពអង់គ្លេស ចេញច្បាប់តឹងរឹងថ្មី ដើម្បីទប់ស្កាត់កូវីដអូមីក្រុង

អង់គ្លេស៖ ការណែនាំ និងជម្រុញ​ឱ្យ​ធ្វើការតាមអនឡាញ (Work From Home) ត្រូវបានត្រឡប់មកវិញនៅ ចក្រភពអង់គ្លេសវិញហើយ នៅ ពេលដែលស្កុតឡែនបានពង្រឹងការនៅ ដាច់ដោយលែក ហើយវេលស៍កំពុងស្ថិតក្នុងត្រួតពិនិត្យប្រចាំសប្តាហ៍តែម្តង។

ដោយឡែក នៅ ចក្រភពអង់គ្លេសនៅ ពេលនេះ បានចេញច្បាប់ថ្មីដ៏តឹងរឹង ដោយទីកន្លែងនិមួយៗ និងការប្រារព្ធពិធីណាមួយ គឺតម្រូវសម្របទៅ តាមច្បាប់រដ្ឋបាល ហើយប្រជាពលរដ្ឋត្រូវទទួលបានការចាក់វ៉ាក់សាំងពេញលេញ (បច្ចុប្បន្នមានពីរដូស) ដើម្បីទប់ស្កាត់ជំងឺកូវីដ១៩ រួមទាំងអូមីក្រុងផងដែរ ក្រៅ ពីនេះគឺត្រូវបានលទ្ធផលតេស្តអវិជ្ជមានកូវីដទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ច្បាប់នៅ ក្នុងចក្រភពអង់គ្លេសមានដូចជា៖

មនុស្សទាំងអស់នឹងត្រូវបង្ហាញស្ថានភាពសុខភាព របស់ពួកគេដើម្បីទទួលបានការអនុញ្ញាតចូលទៅ កាន់ ក្លឹបរាត្រី ឬទីតាំងកន្លែង​ហាង ឬភោជនីយដ្ឋាន ដែលអាចមានមនុស្សច្រើនជាង ៥០០នាក់ រួមទាំងកន្លែងបរិវេនខាងក្រៅ ​ដែល​ដែលមានមនុស្សច្រើនជាង ៤,០០០ នាក់ និងកន្លែងណាមួយដែលមានមនុស្សច្រើនជាង ១០,០០០ នាក់ផងដែរ។

ការពាក់ម៉ាស ឬរបាំងមុខគឺជាអ្វីដែលត្រូវធ្វើជាដាច់ខាតនៅ ក្នុងកន្លែងសាធារណៈ ឬក្នុងហាងពេលដើរចូលមុនពេលបរិភោគ រួមទាំងរោងកុន និងហាងកាត់សក់ជាដើម។ 

ប្រជាពលរដ្ឋគួរតែធ្វើការពីផ្ទះ ប្រសិនបើពួកគេអាចធ្វើបាន។

ការអនុវត្តធ្វើតេស្តតាមទឹកមាត់គឺត្រូវបានជម្រុញឱ្យ​ធ្វើ មុនពេលមនុស្សចូលទៅ ក្នុងកន្លែងណាដែលមានហានិភ័យខ្ពស់ ដូចជាកន្លែងដែលមានមនុស្សប្រជុំគ្នាច្រើន។

រីឯសិស្សនៅ អនុវិទ្យាល័យត្រូវតែពាក់របាំងមុខនៅ ក្នុងតំបន់ណាដែលមានមនុស្សច្រើន រួមទាំងបុគ្គលិកនៅ សាលាទាំងអស់ និងមានទាំងអ្នកថែទាំកុមារផងដែរ។

យ៉ាងហោចណាស់ ត្រូវរក្សាគម្លាតសង្គមចាប់ពី១កន្លះឡើងលើទៅ មិនថាទាំងមន្ទីរពេទ្យ និងកន្លែងត្រួតពិនិត្យលំខិតឆ្លងដែន។ ក្រៅ ពីនេះចំពោះ នរណាដែលមានរោគសញ្ញាកូវីដ ឬអ្នកដែលធ្វើតេស្តវិជ្ជមាន ត្រូវតែនៅ ដាច់ដោយឡែកពីគេ៕

សូមចូលទស្សនារូបភាពខាងក្រោម៖