ម្ចាស់ក្រុមហ៊ុន Yu Pin Brand បង្ហើបគន្លឹះទីផ្សារក្រែមលាបមាត់ HYA Lip Matte

ភ្នំពេញ៖ ក្រុមហ៊ុន Yu Pin brand បានបោះគោលជំហរនៅឆ្នាំ ២០២១។ បន្ទាប់ពីបង្ហាញផលិតផលចុងក្រោយ ជាប្រភេទឡេលាបសំរក Leona ដែលទទួលបានការជោគជ័យនៅក្នុងទីផ្សារអនឡាញយ៉ាងខ្លាំង លោកស្រីអគ្គនាយិកាក្រុមហ៊ុន បានបង្ហើបនូវទីផ្សារថ្មីមួយទៀត ដែលលោកស្រីកំពុងតែរៀបចំធ្វើទីផ្សារជាប្រភេទក្រែមស្ងួត នាំចូលពីប្រទេសថៃ។ លោកស្រីបានបញ្ជាក់ថា រូបមន្តនេះលោកស្រីបានទិញផ្ដាច់មុខ និងនាំសិទ្ធិចែកចាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើក្រឡេកទៅមើលសកម្មភាពនៃការធ្វើទីផ្សាររបស់លោកស្រី ក្រុមហ៊ុននេះបានប្រើប្រាស់គ្រប់បណ្ដាញសង្គមទំនាក់ទំនងទាំងអស់មកធ្វើទីផ្សារ។ ក្រៅពីនេះលោកស្រី បានផ្ដល់យុទ្ធសាស្ត្រទីផ្សារមួយចំនួន ព្រមទាំងបង្ហើបគន្លឹះការធ្វើទីផ្សារយ៉ាងណាឱ្យផ្ទុះ និងងំបានយូរ គឺ ត្រូវរក្សានិងធ្វើគុណភាពផលិតផល អោយមានគុណភាពល្អបំផុត ត្រូវផ្ដល់ឲ្យអតិថិជនមុន ទើបទទួលកម្រៃជាក្រោយ។ 

ត្បិតតែស្ថានភាពកូវីដទើបតែប្រសើរឡើងវិញក៏ដោយ ប៉ុន្តែក្រុមហ៊ុន Yu Pin brand មិនដែលមានផលរំខាន ឬក៏ប៉ះពាល់អត្រាការលក់របស់គាត់នោះឡើយ ។ ព្រោះអតិថិជនសម័យនេះ គឺឆ្លាតវៃក្នុងការរកផលិតផលដែលមានគុណភាពល្អ និងសុវត្ថិភាពយកមកប្រើប្រាស់។ នេះជាមូលហេតុដែលធ្វើអោយក្រុមហ៊ុនរបស់លោកស្រី អាចឈរជើងលំដាប់លេខមួយនៅក្នុងទីផ្សារកម្ពុជា៕