ឆ្អឹងអណ្តែត! ពីក្មេងមណ្ឌលកុមារកំព្រា កូនខ្មែរពីររូបនេះមានវាសនាបានម្តាយឪពុកចិញ្ចឹមស្រលាញ់ដូចកូនបង្កើត

តារាកម្សាន្ត÷ ដូចពាក្យចាស់លោកពោលថា វាសនាមនុស្សមើលមិនឃើញ កូនខ្មែរធំធាត់លើទឹកដីសហរដ្ឋអាមេរិក ដែលមានដើមកំណើតពីមណ្ឌលកុមារកំព្រាក្នុងប្រទេសកម្ពុជាចំនួន២រូប គឺ Madox(ជាកូនរបស់កំពូលតារាសម្តែងហូលីវូដ Angelina Jolie) និង Jorden Pisey Windle (ជាអត្តពលិកកីឡាលោតទឹកអាមេរិក) មានសំណាងទទួលបានឪពុកម្តាយចិញ្ចឹមស្រលាញ់ថ្នាក់ថ្នមដូចកូនបង្កើត ព្រមទាំងបានផ្តល់ឱកាស និងបង្ហាត់បង្រៀនបានយ៉ាងល្អថែមទៀតផង។

ជាង់ស្តែងចំពោះកូនខ្មែរ ម៉ាដុក ដែល​មាន​ឈ្មោះ​ពី​កំណើត​ហៅ រ័ត្ន វិបុល ត្រូវ​បាន​កំពូល​តារាភាពយន្ត​ហូលីវូដ​នាង Angelina Jolie សុំ​ធ្វើ​ជា​កូនចិញ្ចឹម​នៅ​ខែ​មីនា ឆ្នាំ​២០០២ ពេល​ដែល ម៉ាដុក នៅ​ជា​ទារក​វ័យ​៧​ខែ​ផ្ញើ​ជីវិត​នៅ​មណ្ឌល​កុមារកំព្រា​ក្នុង​រាជធានី​ភ្នំពេញ​។ ក្រោយទទួលម៉ាដុកពីប្រទេសកម្ពុជា អ្នកស្រី Angelina Jolie បានយកម៉ាដុកទៅកាន់សហរដ្ឋអាមេរិក ចិញ្ចឹមបីបាច់ដូចកូនក្នុងផ្ទៃបង្កើត ព្រមទាំងផ្តល់ឱកាសឲ្យម៉ាដុករៀនសូត្របានយ៉ាងខ្ពង់ខ្ពស់ និងទទួលនូវកេរ្តិ៍ឈ្មោះជុំវិញពិភពលោកថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ងាកក្រលេកមកមើលជីវិតរបស់កូនខ្មែរម្នាក់ទៀត គឺJorden Pisey Windle ឯណេះវិញ លោកកើតនៅក្រុងព្រះសីហនុ ប្រទេសកម្ពុជានៅថ្ងៃទី ១៣ ខែវិច្ឆិកា ឆ្នាំ ១៩៩៨។ នៅអាយុ១ឆ្នាំ ឪពុកម្តាយបង្កើតរបស់គាត់បានស្លាប់ ហើយគាត់ត្រូវបានគេដាក់នៅក្នុងមជ្ឈមណ្ឌលវិជ្ជាជីវៈស្ត្រី និងកុមារកំព្រានៅចោមចៅ។ មេដោះនៅក្នុងមណ្ឌលកុមារកំព្រាដាក់ឈ្មោះគាត់ថា ពិសី ដែលបកប្រែថា "កូនតូច" ជាភាសាអង់គ្លេស។ នៅពេលគាត់មានអាយុដប់ប្រាំបីខែ គាត់ត្រូវបានឪពុកចិញ្ចឹមលោក Jerry Windle បានយកមកចិញ្ចឹមបីបាច់ដូចជាកូន ព្រមទាំងបានផ្តល់់ឱកាសឲ្យចូលហ្វឹកហាត់ រហូតក្លាយជាអត្តពលិកតំណាងឲ្យសហរដ្ឋអាមេរិក ចូលរួមក្នុងព្រឹត្តិការណ៍អូឡាំពិកក្រុងតូក្យូថែមទៀតផង៕

• ជីវិត
• រូបភាព