ភ័យមិនស្ទើរ ទើបសុំរៀបការបាន១ខែ ចិញ្ចៀនភ្ជាប់ពាក្យ Air Phantila ជ្រុះបាត់គ្រាប់ពេជ្រ

ថៃ៖ ពិតជាបានធ្វើឲ្យអនាគតកូនក្រមុំដ៏ស្រស់ស្អាត តារាស្រី Air Phantila មានភាពភ្ញាក់ផ្អើល បន្ទាប់ពីត្រូវបាន គូស្នេហ៍សំណព្វចិត្ត សុំរៀបការយ៉ាងរ៉ូមែនទិក ដែលអ្នកគាំទ្រជាច្រើន អាចមើលឃើញពីទិដ្ឋភាពដ៏រំជើបរំជួល នៅពេល ខាងប្រុសលុតជង្គង់សុំរៀបការ ព្រមទាំងបង្ហាញរូបភាពចិញ្ចៀនពេជ្រ នៅលើម្រាមដៃនាងខាងឆ្វេង របស់តារាស្រីរូបនេះ។

ប៉ុន្តែ កាលពីថ្មីៗនេះ ជាមួយនឹងរូបថតចុងក្រោយរបស់ តារាស្រី Air Phantila ស្រាប់តែបង្ហាញពីការភ័យស្លន់ស្លោ ដែលនៅក្នុងនោះ រូបភាពចិញ្ចៀននៅលើម្រាមដៃនាងខាងឆ្វេង នៅខណៈពេលនេះ គឺនៅសល់តែវង់ចិញ្ចៀនតែប៉ុណ្ណោះ ដោយគ្រាប់ពេជ្រ ទំហំ ​៣​ ការ៉ាត់​ ដ៏​ស្រស់​ស្អាត​ បាន​ជ្រុះបាត់ទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយនឹងការបង្ហាញពីដំណឹង​ ​ដ៏​គួរ​ឲ្យ​រន្ធត់​បំផុត​នេះ Air Phantila ថែមទាំងបានបង្ហាញពីក្ដីសង្ឃឹម ថា នឹងរកគ្រាប់ពេជ្រនេះឲ្យឃើញ ទៀតផង ខណៈដែលហ្វេនៗជាច្រើន ជូនពរឲ្យនាងបានរកឃើញក្នុងពេលឆាប់ៗនេះ៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ