កូរ៉េខាងត្បូង៖ ពិតណាស់ តារាសម្តែង Lee Jung-Jae ដែលដើរតួជាតួឯក (Seong Gi-hun) ក្នុង Squid Game ទទួលបានការទទួលស្គាល់ និងប្រជាប្រិយភាពល្បីពេញពិភពលោក បន្ទាប់ពីរឿងនេះ បានក្លាយជាបាតុភូតទូទាំងពិភពលោក។ K-drama ទទួលបានចំណាត់ថ្នាក់កំពូលតារាង ហើយការសម្ដែងរបស់លោកក៏ដូចគ្នាដែរ។ ប៉ុន្តែអ្វីដែលមនុស្សជាច្រើនប្រហែលជាមិនដឹងនោះគឺថា Jung-Jae មានកេរ្តិ៍ឈ្មោះល្បីល្បាញនៅក្នុងឧស្សាហកម្មកូរ៉េខាងត្បូងអស់រយៈពេលជាយូរមកហើយ ហើយបានសម្តែងក្នុងរឿងភាគ និងភាពយន្តដ៏អស្ចារ្យមួយចំនួន។
តារាសម្តែង Lee Jung Jae គឺជាតារាសម្តែងដែលមានទេពកោសល្យខ្ពស់ ហើយអ្នកត្រូវតែពិនិត្យមើលស្នាដៃផ្សេងទៀតរបស់តារាសម្តែងរូបនេះផងដែរ។ នេះគឺជាបញ្ជីនៃស្នាដៃកំពូលទាំង ៥ របស់ Lee Jung-Jae។
១. រឿង The Face Reader
វត្តមានរបស់តារាសម្តែងប្រុស Lee Jung-Jae ទទួលបានប្រជាប្រិយភាពភ្លូកទឹកភ្លូកដី ក្នុងខ្សែភាពយន្តនេះ។ ជាមួយគ្នានោះ លោកថែមទាំងបានឈ្នះពានរង្វាន់តារាសម្តែងល្អបំផុតនៅ Blue Dragon Film Awards និងពានរង្វាន់ Baeksang Arts Awards ទៀតផង។
២. រឿង Chief of Staff
Jang Tae-Joon (Lee Jung-Jae) បន្ទាប់ពីបញ្ចប់ការសិក្សាពីសកលវិទ្យាល័យប៉ូលីសជាតិកូរ៉េ បានធ្វើការជាអ្នកស៊ើបអង្កេត។ ដើម្បីក្តោបក្តាប់អំណាចបន្ថែម លោកចូលរួមការងារក្នុងរដ្ឋសភា។ រឿងនេះ នាំអ្នកឆ្លងកាត់ពីក្រោយឆាកនៃនយោបាយកូរ៉េខាងត្បូង។ សាច់រឿងនេះ ពោរពេញដោយមនុស្សដែលមានមហិច្ឆតាខ្លាំងក្លា។
៣. រឿង The Thieves
ភាពយន្តនេះនាំមកជូនអ្នកនូវក្រុមតារាសម្ដែងល្បីៗមួយចំនួន។ Popeye សម្តែងដោយ Jung-Hae គឺជាឧក្រិដ្ឋជនម្នាក់ដែលជាប់ពាក់ព័ន្ធក្នុងការប្លន់ពេជ្រឆ្លងដែន។ ជាមួយនឹងការលក់សំបុត្រជាង ១២.៩ លានសន្លឹក The Thieves គឺជាខ្សែភាពយន្តដែលរកចំណូលបានខ្ពស់បំផុតរបស់ប្រទេសកូរ៉េខាងត្បូង។
៤. រឿង Assassination
រឿងរ៉ាវនៅក្នុងខ្សែភាពយន្តនេះ ស្តែងពីសម័យតស៊ូរបស់កូរ៉េឆ្នាំ ១៩៣០។ វាជាខ្សែភាពយន្តដ៏ជក់ចិត្តមួយដែលធ្វើឱ្យអ្នកទស្សនាតាមដានមិនចេះជិនណាយ។ Lee Jung-Jae ជាតួអង្គមានតួនាទីជាអ្នកប្រយុទ្ធឯករាជ្យដែលមានគម្រោង ធ្វើឃាតមន្ត្រីជាន់ខ្ពស់ជប៉ុន។
៥. រឿង Air City
ប្រវត្តិសម្ដែងរបស់ Lee ទទួលបានការគាំទ្រជាខ្លាំង ខណៈដែលលោកបានប្រឡូកក្នុងវិស័យនេះជាយូរមកហើយ។ រឿង Air City នឹងក្លាយជាជម្រើសដ៏ល្អមួយសម្រាប់អ្នកដើម្បីស្គាល់តារារូបនេះបន្ថែមទៀត។ ក្នុងខ្សែភាពយន្តនេះ លោកបានដើរតួជាតួអង្គ Kim Ji-Sung ដែលជាបុគ្គលិកសន្តិសុខអាកាសយានដ្ឋានដែលបំពានច្បាប់។សូមបញ្ជាក់ថា លោក Lee Jung Jae បានសម្តែងក្នុងខ្សែភាពយន្តជាច្រើនដែលល្បីៗទទួលបានទស្សនាច្រើនបំផុត ដែលរឿងខ្លះមិនមានក្នុងបញ្ជីខាងលើ។ ជាមួយគ្នានេះ អ្នកគួរមើលរឿងដូចជា៖ The Housemaid (2010), The Thieves (2012) និង New World (2013) ផងដែរ៕
ប្រភព៖ allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
