គួរឲ្យគោរពមែន! ប្រទេសជាតិរងផលប៉ះពាល់ដោយសារកូវីដ ព្រះនាងជប៉ុន សុខចិត្តធ្វើរឿងនេះនៅថ្ងៃកំណើត

ជប៉ុន៖ កាលពីពេលថ្មីៗកន្លងទៅនេះ នៅក្នុងឱកាសនៃថ្ងៃចម្រើនព្រះជន្មព្រះនាង Aiko (បុត្រីរបស់ព្រះចៅអធិរាជ និងមហា​ក្សត្រីជប៉ុន) បានប្រារព្ធព្រះរាជពិធីបុណ្យចម្រើនព្រះជន្មគម្រប់ ២០ ឆ្នាំ ហើយនៅ​ថ្ងៃទី៥ ព្រះនាងក៏បានប្រារព្ធពិធីពេញវ័យនៅព្រះបរមរាជវាំង។ ព្រះនាង​ទ្រង់​ស្លៀក​រ៉ូប robe décolletage ពណ៌ស និង​មកុដជា​សម្លៀក​បំពាក់​​ផ្លូវការ​ដែល​ស្ត្រី​ក្នុង​រាជវង្ស​តែង​ពាក់​ពេល​ចូល​រួម​ក្នុង​ព្រះរាជ​ពិធី និង​​​ពិធី​​​ជប់​​លៀង​រដ្ឋ។

ជាក់ស្តែងនៅក្នុងព្រឹត្តិការណ៍នេះ ព្រះនាងAiko មិនបានប្តូរមកុដថ្មីនោះទេ ប៉ុន្តែខ្ចីពីប្អូនស្រីរបស់អធិរាជ ដែលជាអតីតព្រះនាងSayako ។ តាមការបញ្ជាក់របស់មន្ត្រីរាជការទាំងព្រះចៅអធិរាជ មហាក្សត្រី និងព្រះនាងម្ចាស់ក្សត្រិយ៍​យល់​ថានេះជាទង្វើត្រឹមត្រូវដោយសារផលប៉ះពាល់នៃជំងឺកូវីដ ១៩ មកលើសេដ្ឋកិច្ចប្រទេស និងជីវិតប្រជាជន។ ពិធីជប់លៀងក្នុងកម្មវិធីរបស់​​ព្រះនាងAiko ក៏ត្រូវលុបចោលដោយសារជំងឺរាតត្បាត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រះរាជទង្វើរបស់ព្រះនាងដែលជាក្សត្រីទោលរបស់ព្រះចៅអធិរាជជប៉ុនរូបនេះ ទទួលបានការសាទរជុំវិញពិភពលោក និងជាពិសេសនៅក្នុងប្រទេសជប៉ុន ដោយសារតែព្រះទ័យមេត្តានិងគិតពីប្រជានុរាស្រ្ត៕

• រូបភាព