រាជធានីភ្នំពេញ៖ ពិតណាស់ អ្នកណាៗស្គាល់តារាចម្រៀងជើងចាស់ លោកពូ ហួរ លីហេង ត្រូវបានមហាជនស្គាល់ថា ហួរ ឡាវី កាលពីថ្មីៗនេះ លោកបានសារព័ត៍មានក្នុងស្រុកមួយថា ជីវិតរបស់លោកជួបការលំបាកខ្លាំងណាស់ ដោយសារតែគ្រួសារជាកូនអ្នកក្រីក្រខ្វះខាត តម្រូវឱ្យលោកបង្ខំចិត្តឈប់រៀនធ្វើការស៊ីឈ្នួលគេ ដើម្បីឱ្យប្អូនបានរៀនសូត្រ។
ក្នុងនោះ បើតាមបទសម្ភាសន៍មួយជាមួយសារព័ត៍មាន តារាញូស៍ បានឱ្យដឹងថា កាលពីដើម ខ្សែជីវិតរបស់លោកមានការលំបាកជួបតែភាពជូរចត់ណាស់ ក្នុងនោះ លោកថា រៀនមិនចប់ត្រឹមថ្នាក់ទី៧ប៉ុណ្ណោះ កាលជំនាន់៥៨-៥៩នោះ លោកត្រូវបង្ខំចិត្តឈប់រៀនខ្សោយ ព្រោះជាកូនអ្នកក្រ ណាមួយដោយសារតែកត្តាជីវភាពកម្សត់អន់ក្រពេក ក៏បានបង្ខំឱ្យលោកសុខចិត្តស៊ីឈ្នួលជាកម្មករ ហើយនឹងជាអ្នករត់តុផង ហើយក៏ធ្លាប់ជាអ្នកលាងចានស៊ីឈ្នួលឱ្យគេថែមទៀត។
តែជាសំណាង ដោយសារតែលោកមានដុងខាងសិល្បៈចម្រៀង ហើយក៏មានគេសង្កេតឃើញថា លោកច្រៀងបានពីរោះ ក៏មានគេណែនាំឱ្យលោកទៅច្រៀង រហូតដល់លោកមានកេរ្តិ៍ឈ្មោះមហាជនទូទៅស្គាល់រហូតមកដល់សព្វថ្ងៃ។
រហូតដល់ឆ្នាំ១៩៧៥ ក្នុងជំនាន់ប៉ុល ពត លោកមានតែហ្គីតាជាប់ខ្លួនជានិច្ច លោករំពឹងថានឹងត្រូវគេសម្លាប់ចោលហើយ តែដោយមើលឃើញពីសមត្ថភាព និងសំនៀងដ៏ពីរោះលោក ទើបធ្វើឱ្យជីវិតថ្លៃ គង់វង្សមកដល់សព្វថ្ងៃ។
ក្នុងនោះ ចម្រៀងដែលគេស្គាល់លោកច្រើន ដែលពេលនោះ លោកធ្វើការនៅក្នុងផលិតកម្មឆ្លងដែន ពោលគឺធ្វើឱ្យកេរ្តិ៍ឈ្មោះរបស់លោក ផ្ទុះកក្រើកមកដល់សព្វថ្ងៃនេះ មានដូចជា៖ អាណែតមាសបង, ឱ្យបងសុំស្រលាញ់ផង , សែនអាល័យ, អាល័យក្លិនអូន, ស្នូរមិនអាសូរស្នេហ៍ ជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
