មិនសូវឃើញថតរឿងថ្មី​ តួអាឆៃ ក្នុងរឿង «អន្លង់កម្ម» មកសំងំ បេីកកសិដ្ឋានដំណាំធម្មជាតិជាមួយគូស្នេហ៍

ថៃ៖ អាចនិយាយបានថា ស្នេហារបស់តារាសម្ដែងថៃលោក Phet Thakrit និងតារាសម្ដែងស្រី Mind Tarika ពួកគេបានចាប់ផ្ដើមទាក់ទងគ្នាបានរយៈពេល ៤ឆ្នាំមកហើយ។ ហើយកន្លងមក ពួកគេបានសាងភាពផ្អែមល្ហែមជាមួយគ្នាជាញឹកញាប់បង្ហាញនៅលើបណ្ដាញសង្គម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស កាលពីអំឡុងឆ្នាំ ២០២០ ពួកគេថែមទាំងបានសាងសង់ផ្ទះក្នុងក្ដីស្រមៃ និងបើកជាកសិដ្ឋានដាំដំណាំធម្មជាតិមួយនៅតាមខេត្តជាមួយគ្នាថែមទៀតផង។

ក្នុងនោះផងដែរ​ យើងឃើញថា តារាប្រុសតួឯកដ៏សង្ហាក្នុងរឿង «អន្លង់កម្ម» រូបនេះ មួយរយៈនេះហាក់មិនសូវចេញថតរឿងថ្មី ហើយក៏មិនសូវមានសកម្មភាពក្នុងសិល្បៈច្រើនប៉ុន្មាននោះឡើយ ផ្ទុយទៅវិញយើងបែរជាចាប់អារម្មណ៍ឃើញថា លោកកំពុងមានភាពមមាញឹកខ្លាំងជាមួយការងារកសិកម្មនៅក្នុងកសិដ្ឋានរបស់ខ្លួន ជាពិសេសសកម្មភាពលោកនិងគូស្នេហ៍ តែងតែធ្វើការងារនោះជាមួយគ្នា ទៅនេះទៅនោះជាមួយគ្នា មើលទៅហាក់បីដូចជាមានសុភមង្គល និងមានក្ដីសុខជាមួយគ្នាខ្លាំង ហ្វេនៗឃើញហើយលួចច្រណែនស្ទើរគ្រប់គ្នាផងដែរ៕

សូមទស្សនារូបភាពខាងក្រោម៖