ដំណឹងសំខាន់! ឆ្នាំ២០២២ រដ្ឋាភិបាលប្រកាសផ្អាកជ្រើសរើសមន្ត្រីក្របខណ្ឌថ្មី

រាជធានីភ្នំពេញ÷ យោងតាមចំណារឯកភាពដ៍ខ្ពង់ខ្ពស់ចុះថ្ងៃទី ២ ខែតុលា ឆ្នាំ២០២១ លើលិខិតលេខ ៨២១៩/ សហវ ចុះថ្ងៃទី១ ខែតុលា ឆ្នាំ ២០២១កន្លងទៅនេះ សម្តេចតេជោនាយករដ្ឋមន្តី បានសម្រេចជាគោលការណ៍ដ៍ខ្ពង់ខ្ពស់ លើការជ្រើសរើសមន្ត្រីក្របខ័ណ្ឌថ្មី និងការដំឡើងបៀវត្សតាមឋានន្តរស័ក្តិនិងថ្នាក់ សម្រាប់ឆ្នាំ២០២២ដូចខាងក្រោម៖

(១)- មិនអនុញ្ញាតឱ្យជ្រើសរើសមន្ត្រីក្របខ័ណ្ឌថ្មីជំនួសអ្នកចូលនិវត្តន៍ឡើយ លើកលែងតែក្រសួងមហាផ្ទៃដែលមានគោលការណ៍ដោយឡែក និងក្រសួងសុខាភិបាលដែលនឹងអាចមានគោលការណ៍ដោយឡែកផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

(២)- រក្សាកម្រិតបៀវត្សមន្ត្រីរាជការស្មើនឹងឆ្នាំ ២០២១ ដដែល ប៉ុន្តែអនុញ្ញាតឱ្យរៀបចំដំឡើងបៀវត្ស តាមឋានន្តរស័ក្តិនិងថ្នាក់ សម្រាប់ឆ្នាំ ២០២២ តែមិនអនុញ្ញាតឱ្យគិតត្រឡប់ក្រោយតាំងពីឆ្នាំ ២០២១នោះទេ។

សេចក្តីដូចបានជម្រាបជូនខាងលើ សូមឯកឧត្តមរដ្ឋមន្ត្រី ជ្រាប និងចាត់ចែងអនុវត្តតាមការគួរ។ អាស្រ័យដូចដែលបានជម្រាបជូនខាងលើនេះ សូមបងប្អូន ប្រជាពលរដ្ឋ មេត្តាជ្រាបជាព័ត៌មាន៕

• រូបភាព