ស្ងាត់ៗ! ព្រះនាង Mako និងស្វាមី បណ្តើរគ្នានៅក្នុងទីក្រុងញូយ៉យ៉ាងសាមញ្ញ

សហរដ្ឋអាមេរិក៖ គិតមកទល់ពេលនេះ មានរយៈពេលជិតមួយខែហើយ ដែលអតីតព្រះនាងជប៉ុន Mako និងស្វាមី Kei Komuro បានផ្លាស់ពីទីក្រុងតូក្យូ ទៅកាន់ទីក្រុងញូយ៉ក ដែលគូស្នេហ៍មួយគូនេះ កំពុងតែតាំងលំនៅបច្ចុប្បន្ន។ កាលពីចុងសប្តាហ៍កន្លងទៅនេះ គេឃើញអ្នកទាំងពីរចេញដើរលេងបណ្តើរគ្នា នៅទីក្រុងញូយ៉ក ដោយស្លៀកពាក់ខោអាវពណ៍​ប្រផេះ និង​បៃតងក្រម៉ៅ ​ដោយមានពាក់ម៉ាស់ពណ៍សដូចគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រះនាង Mako គឺជាបុត្រីច្បងរបស់រាជទាយាទជប៉ុន ព្រអង្គម្ចាស់ Akishino និង ព្រះមាតាព្រះនាម Kiko និងជាក្មួយស្រីរបស់អធិរាជ Naruhito ប៉ុន្តែ ពេលនេះ នាងលែងមានងារជាព្រះនាងទៀតហើយ។ ទោះបីជាព្រះនាងត្រូវបានចិញ្ចឹមបីបាច់ជាព្រះនាង Mako រួមជាមួយព្រះនាង Kako និងប្អូនប្រុសរបស់នាងព្រះអង្គម្ចាស់ Hisahito ក៏ដោយ Mako បានលះបង់ឋានៈជាព្រះនាង ក្រោយពីរៀបអភិសេក នៅថ្ងៃទី ២៦ ខែតុលា ជាមួយ លោក Kei Komuro ដោយសារតែច្បាប់របស់ប្រទេសជប៉ុនដែលតម្រូវឱ្យនាងធ្វើដូច្នេះដើម្បីរៀបការជាមួយ "មនុស្សសាមញ្ញ" ។ ក្នុងនោះ លោក Komuro ត្រូវ​បាន​គេ​រាយការណ៍​ថា​ កំពុង​បម្រើការ​នៅ​ក្រុមហ៊ុន​ច្បាប់​ក្នុង​ទីក្រុង New York ខណៈ​កំពុង​រង់ចាំ​ការ​ប្រឡង​ឡើងវិញ​នៅ​ឆ្នាំ​ក្រោយ។

សូមរំលឹកផងដែរថា គូស្នេហ៍មួយគូនេះ ដែលបានជួបគ្នា កាលពីពួកគេនៅជានិស្សិតនៅសាកលវិទ្យាល័យ International Christian University ក្នុងទីក្រុងតូក្យូ បានប្រកាសពីការភ្ជាប់ពាក្យរបស់ពួកគេឡើងវិញនៅឆ្នាំ ២០១៧ ប៉ុន្តែពិធីមង្គលការត្រូវបានពន្យារពេលមួយរយៈពេលធំ ដោយសារតែមានការតវ៉ាជាសាធារណៈជុំវិញអាពាហ៍អាពាហ៍នេះ៕

ប្រភព៖ town&country