ច្រើនតែអាយុ តែតារាស្រីចិននេះ នៅតែស្ថិតក្នុងលំដាប់កំពូល

កម្សាន្ត៖ បើទោះបីជាមានអាយុច្រើនទៅហើយក្ដី ប៉ុន្តែ តារាស្រីទាំងប៉ុន្មានរូបនេះ នៅតែស្ថិតក្នុងចិត្តរបស់ទស្សនិកជនជាច្រើន ចំពោះសមត្ថភាពការសម្ដែងដ៏ល្អ ជាពិសេស រូបសម្រស់ដ៏ស្រស់សោភា ដែលត្រូវបានទទួលស្គាល់ទាំងក្នុង និងក្រៅ ព្រមទាំងអាចចាត់ទុកបានថា ពួកគេគឺជា តារាស្រីកំពូលសម្រស់ ក្នុងសិល្បៈកម្សាន្តចិន ផងដែរ។

១. Chen Hong

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាស្រី Chen Hong គឺជាសិល្បៈករមួយរូបកើតនៅឆ្នាំ ១៩៦៨ និងចាប់ផ្តើមសម្តែងនៅឆ្នាំ ១៩៨៥ ព្រមទាំងបានកសាង កេរ្តិ៍ឈ្មោះល្បីល្បាញពាសពេញប្រទេសចិន ។ ម៉្យាងវិញទៀត ជាមួយនឹងសម្រស់ដ៏បរិសុទ្ធ និងភាពស៊ីអារម្មណ៍ តារាស្រីរូបនេះ ក៏ទទួលបានការសរសើរជាច្រើនពីសំណាក់អ្នកគាំទ្រ អ្នកសារព័ត៌មាន និងសូម្បីតែអ្នករួមអាជីពជាមួយគ្នា។ បច្ចុប្បន្ននេះ ថ្វីត្បិតតែ នាង​មាន​អាយុ​ខ្ទង់ ៥០ ឆ្នាំក៏ដោយ តែនាងនៅតែ​ធ្វើ​ឲ្យ​មហាជន​ភ្ញាក់ផ្អើល​ ជាមួយនឹងសម្រស់វ័យក្មេងដ៏មិនគួរឲ្យជឿ ។

២. Hao Lei

ចាប់តាំងពីឆ្នាំ ១៩៩៧ មក តារាសម្ដែងស្រីដ៏ស្រស់ស្អាត Hao Lei បានល្បីល្បាញ នៅក្នុងប្រទេសចិននៅក្នុងខ្សែភាពយន្តជាច្រើន។ ហើយ បន្ទាប់ពីនោះមក នាងបានក្លាយជាតារាស្រីដ៏មានមុខមាត់ របស់ទស្សនិកជនទាំងក្នុង និងក្រៅប្រទេស ជាបន្តបន្ទាប់។ មិនត្រឹមតែប៉ុណ្ណោះ តារាស្រីរូបនេះ ធ្លាប់ត្រូវបានបោះឆ្នោតជ្រើសរើសជាស្រីស្អាតម្នាក់ ក្នុងចំណោមសម្រស់ដ៏អស្ចារ្យទាំង ៥ របស់ប្រទេសចិន ក្នុងឆ្នាំ ២០១៩ ។ បច្ចុប្បន្ននេះ តារាស្រី Hao Lei មានអាយុ ៤២ ឆ្នាំ និងលែងនៅក្មេងដូចពីមុនក៏ដោយ ហើយ តែនាងកំពុងតែ ល្បីល្បាញដោយសារតែ រូបរាងដ៏ឡូយឆាយ មានមន្តស្នេហ៍ របស់នាង ផងដែរ។

៣. Feihong Yu

តារាស្រី Yu Feihong គឺជាសិល្បករដ៏ល្បីល្បាញម្នាក់ ក្នុងទសវត្សរ៍ឆ្នាំ ១៩៩០ ។ តែអាជីព​ជា តារា​ភាពយន្តហាក់​មិន​សូវ​មាន​ការ​ចាប់​អារម្មណ៍​ប៉ុន្មាន​ទេ ប៉ុន្តែ តារាស្រីរូបនេះ ធ្វើឲ្យមហាជនផ្ទុះការចាប់​អារម្មណ៍​នឹង​សម្រស់​មិន​ប្រកាន់​វ័យ ដែលមិន​ថា​សម័យ​ណាក៏ដោយ នាង​នៅតែមានភាពស្រស់​ស្អាត មាន​កាយ​វិការ​គួរ​សម និង​ឆើតឆាយ ជាមួយនឹងសម្រស់ធម្មជាតិរបស់នាង ផងដែរ។ បច្ចុប្បន្ននេះ Yu Feihong នៅតែប្រឹងប្រែងក្នុងការងារថតរឿងដដែល និងបានបញ្ចេញពីសមត្ថភាពសម្ដែងរបស់ខ្លួន ដោយការផ្លាស់ប្ដូរក្នុងតួនាទីនីមួយៗ ទៀតផង៕ 

ប្រភព៖ Ngoisao.vn

• តារាចិន