កូនពីរហើយ តែជីវិតប្តីប្រពន្ធ ម៉ូនិច នៅតែមានពេលវេលាផ្អែមល្ហែមដូចស្នេហាថ្មីថ្មោង

ភ្នំពេញ៖ ជាការពិតណាស់ ពីមួយថ្ងៃទៅមួយថ្ងៃគេសង្គេតឃើញថា អតីតតារាសម្តែងស្រីអ្នកនាង វ៉ាន់ ម៉ូនិច កាន់តែមានក្តីសុខ និងសុភមង្គលកាន់តែខ្លាំងឡើង ក្រោយបានរួមរស់ជាប្តីប្រពន្ធជាមួយនឹងស្វាមីដែលចេះថ្នាក់ថ្នមចិត្តមិនដែលឲ្យទាស់ម្ដងណាឡើយ រហូតទទួលបានចំណងដៃកូនប្រុស២នាក់ យ៉ាងគួរឲ្យស្រលាញ់។    

ជាមួយគ្នានេះ មានមនុស្សស្រីមិនតិចនាក់ទេ ដែលច្រណែន និងចង់បានជីវិត ហាយសូ ឡូយឆាយ ដូចតារាស្រីរូបនេះ មានស្ទើរអ្វីគ្រប់យ៉ាង ដែលជាក្តីស្រមៃរបស់មនុស្សស្រី ទាំងស្វាមីសេដ្ឋីសង្ហា កូនៗគួរឲ្យស្រលាញ់ និងគ្រួសារសុភមង្គលថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ដូចពេលបច្ចុប្បន្ននេះ បើទោះបីជាអតីតតារាស្រីរូបនេះនិងស្វាមីទទួលបានចំណងដៃកូនពីរនាក់រួចទៅហើយក្តី ក៏ប៉ុន្តែចំណងស្នេហា និងភាពផ្អែមល្ហែមរវាងគូស្វាមីភរិយាមួយគូនេះនៅតែរក្សាបាននូវភាពល្អូកល្អើនមិនថមថយសោះឡើយ ជាពិសេសថ្មីៗនេះ ពួកគេក៏តែងមានរូបភាពដំណើរកម្សាន្តបែបឯកជនជារឿយៗយ៉ាងរ៉ូមែនទិចជាមួយស្វាមី និងតែងបង្ហោះចែករំលែកឲ្យអ្នកគាំទ្របានតាមដានផងដែរ៕

សូមទស្សនារូបភាពខាងក្រោម៖

• វ៉ាន់ ម៉ូនិច
• តារាខ្មែរ