មកទស្សនាសកម្មភាពការហាត់សម ក្នុងវគ្គសម្ដែង​Casting Audition Round ពីបេក្ខនារីMiss Teenកម្ពុជា (មានវីដេអូ)

ភ្នំពេញ៖ កាលពីពេលថ្មីៗនេះ កម្មវិធីប្រកួតបវរកញ្ញា Miss Teen International Cambodia បានបើកវគ្គប្រកួតប្រជែងស្វែងរកបេក្ខនារីជើងខ្លាំង មានទាំងចំណេះដឹង សមត្ថភាព និងសម្រស់ស្អាត ដើម្បីក្លាយជាបវរកញ្ញាយុវវ័យដំបូងគេនៅក្នុងប្រទេសកម្ពុជា។ បើគិតពីវគ្គប្រកួត បេក្ខរីជាច្រើនរូបបានឆ្លងកាត់វគ្គជម្រុះ២តង់រួចមកហើយ ដែលវគ្គទី១ Audition Round ជម្រុះពី១០០នាក់មកនៅត្រឹម៤០នាក់ និងវគ្គ Casting Audition Round ជម្រុះពី៤០នាក់ មកនៅត្រឹម២៥នាក់។ 

ពិតណាស់នៅក្នុងវិញ្ញាសារក្នុងវគ្គ Casting Audition Round តម្រូវឲ្យបេក្ខនារីចំនួន៤០នាក់ បង្ហាញពីសមត្ថភាពសម្ដែង ដែលមានការបង្ហាត់បង្រៀនពីអ្នកដឹកនាំរឿងមានបទពិសោធន៍លើវិស័យសិល្បៈច្រើនឆ្នាំគឺលោក ហ៊ុយ យ៉ាងឡេង។ ជាមួយគ្នានេះដែរ បើមើលតាមការប្រកួតប្រជែងសម្ដែងរបស់បេក្ខនារីទាំងអស់ សុទ្ធសឹងតែធ្វើបានគ្រប់ៗគ្នាយ៉ាងគួរឲ្យសរសើរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ប្រិយមិត្តបានទស្សនាវីដេអូប្រកួតប្រជែងវគ្គសម្ដែងរួចមកហើយ ប៉ុន្តែបើក្រឡេកទៅមើលទិដ្ឋភាពហាត់សមសម្ដែងក្រៅឆាកមុនពេលចាប់ផ្ដើមប្រកួត គេសង្កេតឃើញមានបេក្ខនារីជាច្រើន ប្រឹងប្រែង និងព្យាយាមខ្លាំង បើទោះបីជាលើកទី១របស់បេក្ខភាពទាំងអស់ក៏ពិតមែន។ លើសពីនេះទៅទៀត ក្រៅពីការខិតខំសម្ដែងពីបេក្ខនារី គេក៏ឃើញលោក ហ៊ុ យ៉ាឡេង ព្យាយាមប្រាប់ពីគន្លឺះសំខាន់ៗក្នុងការសម្ដែងទៅកាន់បេក្ខនារី ព្រមទាំងប្រាប់ពីចំណុចខ្វះខាតផងដែរ៕

ចង់ជ្រាបច្បាស់ពី សកម្មភាពការហាត់សម ក្នុងវគ្គសម្ដែង​Casting Audition Round សូមទស្សនារូបភាព និងវីដេអូខាងក្រោម៖ 

• វីដេអូ
• រូបភាព