សាលាក្រុងបាងកក សម្រេចលុបចោលកម្មវិធីៗធំ ក្នុងថ្ងៃឆ្លងឆ្នាំថ្មីខាងមុខ ព្រោះបារម្ភខ្លាចពីការរាតត្បាតវីរុសអូមីក្រុង​

ថៃ៖ ដោយសារតែការព្រួយបារម្ភនៃការរាតត្បាតនៃការឆ្លងមេរោគអូមីក្រុង Omicron បានញ៉ាំងឱ្យអាជ្ញាធរថៃ សម្រេចធ្វើការលុបចោល ព្រឹត្តិការណ៍ទាំងអស់ដែគ្រោងប្រារព្ធស្វាគមន៍ចូលឆ្នាំថ្មី ដែលនឹងធ្វើនៅទីក្រុងបាងកក ដោយក្នុងនោះ វិស័យឯកជន ក៏កំពុងត្រូវបានជំរុញឱ្យអនុវត្តតាមផងដែរ។

ក្នុងនោះ អភិបាលរងក្រុងបាងកក លោក Kriengyos Sudlapha បានប្រកាសពីការសម្រេចចិត្តនេះ កាលពីថ្ងៃព្រហស្បតិ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Kriengyos បានមានប្រសាសន៍ថា រដ្ឋបាលក្រុងបាងកក (BMA) មានការព្រួយបារម្ភជាខ្លាំង ចំពោះការរាតត្បាតនៃការឆ្លងមេរោគថ្មី អូមីក្រុង និង ត្រូវអនុវត្តតាមការណែនាំពីអង្គការសុខភាពពិភពលោកដែលប្រទេសនានាគួរតែផ្អាកការប្រារព្ធពិធីបុណ្យចូលឆ្នាំថ្មី។

សាលា​ក្រុងបាងកក ​បាន​គ្រោង​ធ្វើ​ពិធី​បួងសួង​មួយ​យប់​ដើម្បី​រាប់​ថយ​ក្រោយ​ឆ្លង​ឆ្នាំ និង​ប្រគេន​ចង្ហាន់​ដល់​ព្រះសង្ឃ​ក្នុង​ថ្ងៃ​ចូល​ឆ្នាំ​ថ្មី​នៅ​ទីស្នាក់ការ​កណ្តាល​របស់​ខ្លួន​ឈ្មោះ Larn Khon Muang ជិត​ស្តុប​យក្ស Giant Swing។តែយ៉ាងណា គម្រោងទាំងអស់ សាលាក្រុងបាងកក សម្រេចត្រូវបានលុបចោល។

ទន្ទឹមនេះ លោក Kriengyos បានមានប្រសាសន៍ថា ការជួបជុំឯកជនទាំងអស់ដែលត្រូវបានអនុញាតិដោយសាលាក្រុងបាងកក ប៉ុន្តែលោកអភិបាលរងរូបនេះ បានលើកទឹកចិត្តប្រជាពលរដ្ឋថៃ អនុវត្តទៅតាមការណែនាំរបស់រដ្ឋបាលក្រុងបាងកក ដោយ លោក​ បាន​ណែនាំ​យ៉ាង​ម៉ឺងម៉ាត់​ដល់​ប្រជាពលរដ្ឋ​ឱ្យ​ចៀសវាង​ការ​ជួបជុំ​ធំ​ៗ​ក្នុង​អំឡុង​ពេល​បុណ្យទាន ដើម្បី​កាត់បន្ថយ​ហានិភ័យ​នៃ​ការ​ឆ្លង​ជំងឺ​កូ​វី​ដ​១៩។

គិតត្រឹមថ្ងៃទី០៦ ខែធ្នូ ឆ្នាំ២០២១នេះ ប្រទេសថៃបានប្រកាសរកឃើញករណីមេរោគបំប្លែងខ្លួនថ្មី អូមីក្រុង សរុបចំនួន ១០៤ករណី៕

ប្រភព៖ Bangkok post