មិនមែនម្នាក់ សមាជិកដល់ទៅ៣ នៃក្រុម BTS ឆ្លងកូវីដ១៩

សេអ៊ូល៖ នៅថ្ងៃទី ២៥ ខែធ្នូ ក្រុមហ៊ុនគ្រប់គ្រងរបស់ក្រុមចម្រៀងបុរស BTS ផលិតកម្ម BIGHIT បានប្រកាសថាសមាជិកពីរនាក់គឺ RM និង Jin បានទទួលលទ្ធផលវិជ្ជមានសម្រាប់កូវីដ ក្រោយមួយថ្ងៃមុននេះ ដែលសមាជិក Suga ក៏បានបញ្ជាក់ថាបានឆ្លងកូវីដ១៩ដែរ។

បន្ទាប់ពីត្រឡប់មកពីសហរដ្ឋអាមេរិកវិញនៅថ្ងៃទី ១៧ ខែធ្នូ RM បានធ្វើតេស្ត PCR ហើយលទ្ធផល គឺអវិជ្ជមាននោះទេ ប៉ុន្តែ​ត្រូវ​បាន​គេ​ដាក់​ ដាច់ដោយឡែកនៅ​ផ្ទះសិន រហូតនៅថ្ងៃទី ២៥ ខែធ្នូ បានបញ្ចប់ការដាក់ខ្លួនដាច់ដោយឡែកពីគេ RM បានធ្វើតេស្ត PCR ហើយត្រូវបានរកឃើញថាវិជ្ជមានសម្រាប់កូវីដ ១៩ រហូតដល់ពេលនេះមេក្រុមចម្រៀង BTS បច្ចុប្បន្នមិនមានរោគសញ្ញាជាក់លាក់ណាមួយឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយ​គ្នា​នេះ Jin បាន​ត្រឡប់​ទៅ​កូរ៉េ​លឿន​ជាង RM ទៅ​ទៀត។ គាត់បានទៅអាកាសយានដ្ឋាននៅថ្ងៃទី ៦ ខែធ្នូ ហើយបានទទួលលទ្ធផលអវិជ្ជមានក្នុងអំឡុងពេលដែលគាត់នៅដាច់ដោយឡែកពីគេ។ នៅ​រសៀល​ថ្ងៃ​ទី ២៥ ខែ​ធ្នូ Jin បាន​ចាប់​ផ្ដើម​បង្ហាញ​រោគ​សញ្ញា ហើយ​បាន​ធ្វើ​តេស្ត PCR ម្ដង​ទៀត។ លទ្ធផល​របស់​តារា​ចម្រៀង​ប្រុស​នៅ​ពេល​នេះ​គឺ​វិជ្ជមាន។

យោងតាមក្រុមហ៊ុនគ្រប់គ្រង RM Jin និង Suga ទាំងអស់បានបញ្ចប់ការចាក់វ៉ាក់សាំង ដូសទីពីររបស់ពួកគេ នៅចុងខែសីហា។ ពួកគេកំពុងព្យាបាលដោយខ្លួនឯងនៅផ្ទះតាមការណែនាំរបស់អាជ្ញាធរសុខាភិបាល។ ពួក​គេ​មិន​មាន​ទំនាក់​ទំនង​ជាមួយ​សមាជិក​ផ្សេង​ទៀត​ទេ បន្ទាប់​ពី​ត្រឡប់​មក​កូរ៉េ​វិញ៕

ប្រភព៖ https://zingnews.vn/

សូមទស្សនារូបភាពខាងក្រោម៖

• តារាកូរ៉េ