ជីវិតមិនទៀង តារាល្បីៗទាំងប៉ុន្មានរូបនេះ បានទទួលមរណភាពទាំងវ័យក្មេង

កម្សាន្ត៖​ គឺជារឿងដ៏ក្រៀមក្រំយ៉ាងខ្លាំង ចំពោះដំណឹងមរណភាព របស់សិល្បករល្បីៗ ដែលបានបន្សល់ត្រឹមតែភាពសោកស្ដាយសម្រាប់អ្នកគាំទ្រ និងមហាជនជាច្រើន និងធ្វើឲ្យពួកគេនៅតែនឹករឮកនូវស្នាដៃល្អៗរបស់ពួកគេ មិនត្រឹមតែប៉ុណ្ណោះ តារាប្រុសស្រីទាំងនោះ សុទ្ធតែបានបាត់បង់ជីវិតទាំងនៅវ័យក្មេង ផងដែរ។

នៅក្នុងនោះដែរមានដូចជា៖ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. តារាចម្រៀង លោក វណ្ណ មករា

តារាប្រុសរូបនេះ បានទទួលមរណភាព កាលពីថ្ងៃទី ១០ ខែ មករា ឆ្នាំ ២០១៦ ដោយសារគ្រោះថ្នាក់ចរាចរណ៍។

២. តារាចម្រៀង រាជ បុរី

លោក រាជ បុរី បានទទួលមរណភាពកាលពីថ្ងៃទី ១៦ ខែមេសា ឆ្នាំ ២០១៦ ដោយសារគ្រោះថ្នាក់ចរាចរណ៍។

៣. តារាចម្រៀង សាន ស្រីឡៃ

គឺជាដំណឹងដ៏សោកស្ដាយមួយ ដែលតារាចម្រៀងស្រីរូបនេះ បានទទួលមរណភាពទាំងវ័យក្មេង នៅថ្ងៃទី ១៦ ខែតុលា ឆ្នាំ ២០១៧ ដោយសារតែ ការបាញ់សម្លាប់ពីស្វាមីរបស់នាង។

៤. តារាចម្រៀង ខេមរៈ ស្រីពៅ

កញ្ញា ខេមរៈ ស្រីពៅ បានទទួលមរណភាព នៅថ្ងៃទី ២៥ ខែមករា ឆ្នាំ ២០១៩ ក្រោយពីមានជំងឺក្រលៀន និងសួត យ៉ាងធ្ងន់ធ្ងរ ព្រមទាំងបានចេញទៅព្យាបាលនៅក្នុងប្រទេសឥណ្ឌា​ ។

៥. តារាចម្រៀង លោក នាងប្រាក់ សុគន្ធ

តារាចម្រៀងប្រុសរូបនេះ បានទទួលមរណភាពនៅយប់ថ្ងៃទី ២៥ ខែធ្នូ ឆ្នាំ ២០២១ ដោយសារគ្រោះថ្នាក់ចរាចរណ៍ ។ 

ប្រភព៖ Likermedia