ការឈឺចាប់ក្រោយសម្រាល ៧ យ៉ាងកើតលើរាងកាយ ម៉ាក់ៗគួរដឹង!

សម្រាប់ស្រ្តីទើបសម្រាកកូន ជារឿងធម្មតាទេដែលមានការឈឺចាប់មួយចំនួនកើតឡើងក្រោយសម្រាល ហើយភាគច្រើននឹងជាបាត់ទៅវិញទៅតាមពេលវេលា។ ផ្ទុយទៅវិញក៏មានម៉ាក់ៗមួយចំនួនមានការឈឺចាប់ក្រោយសម្រាលមានសភាពខ្លាំង និងរយៈពេលយូរ ក្រជាសះស្បើយ។ តើការឈឺចាប់ក្រោយសម្រាលអ្វីខ្លះម៉ាក់ៗគួរដឹង សម្រាប់ត្រៀមខ្លួនទុកមុន?

គណនាការឡើងទម្ងន់ស្ត្រីអំឡុងពពោះនៅទីនេះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ឈឺចាប់ពេញរាងកាយ

ការឈឺចាប់ពេញរាងកាយក្រោយសម្រាល ជាបញ្ហាទូទៅមួយដែលស្ត្រីច្រើននាក់ជួបប្រទះ។ នេះដោយសារតែរាងកាយឆ្លងកាត់ភាពតានតឹងខ្លាំងពីការកន្ត្រាក់ស្បូនពេលសម្រាល។ ម៉ាក់ៗខ្លះត្អូញត្អែរពីការឈឺខ្នង ឈឺចង្កេះ ឈឺក្បាល ឈឺស្មា ឬត្រគាក។ ការឈឺចាប់ក្រោយសម្រាលទាំងនេះមិនមានអ្វីគួរឲ្យភ្ញាក់ផ្អើលទេដោយសារតែបរិមាណនៃភាពតានតឹង និងការឈឺចាប់រាងកាយត្រូវឆ្លងកាត់ពេលសម្រាលកូន។

២. សុដន់ឡើងធំ និងរឹង

ការផ្លាស់ប្ដូរទូទៅ និងសំខាន់មួយដែលម៉ាក់ៗចាប់ផ្ដើមសម្គាល់ក្រោយពេលសម្រាលកូន គឺថាយើងសុដន់មានឡើងធំប៉ុណ្ណា។ ម៉ាក់ៗជួបបញ្ហាសុដន់ឡើងធំ និងរឹង នេះអាចនឹងចេញទឹកដោះក្នងកំឡុងពេលពី២៤ទៅ៧២ក្រោយសំរាលកូន។

គេអាចប្រើពាក្យផ្សេងទៀតបានថា ការឡើងដោះ ឬលាសដោះនៅពេលដែលទឹកដោះស្តុកទុកនៅក្នុងសុដន់ ឡើងកំដៅ រឹង និងឈឺ ។ ម៉ាក់ៗមួយចំនួនតែងតែលើកឡើងថាមានអាការៈ ក្តៅ និងក្តៅខ្លួន។

៣. កន្ត្រាក់ស្បូន

ក្រោយសម្រាល ការកន្ត្រាក់ស្បូនជារឿងធម្មតាដែលកើតឡើងក្រោយសម្រាល ពីព្រោះស្បូនកំពុងត្រលប់ទៅស្ថានភាពដើមមុនពេលពពោះវិញ។ ហេតុផលមួយទៀតដែលធ្វើឲ្យម៉ាក់ៗអាចជួបប្រទះនឹងការកន្ត្រាក់ស្បូនខ្លាំង ឬបង្កឲ្យមានការឈឺចាប់ក្រោយសម្រាល គឺនៅពេលដែលម៉ាក់ៗបំបៅដោះកូន។ ការបំបៅដោះកូនអាចបណ្ដាលឲ្យម៉ាក់ៗជួយបញ្ហាកន្ត្រាក់ស្បូនក្រោយសម្រាល ប៉ុន្តែបញ្ហានេះនឹងបាត់ទៅវិញក្នុងរយៈពេល ២-៣ថ្ងៃក្រោយសម្រាល។

៤. រមាស់ថ្នេរវះកាត់

ប្រសិនបើម៉ាក់ៗវះកាត់សម្រាលកូន ហើយស្លាកស្នាមថ្នេរវះចាប់ផ្ដើមរមាស់ ត្រូវដឹងថាវាជារឿងធម្មតា ហើយការរមាស់នឹងថយចុះនៅពេលដែលស្នាមនោះនៅតែបន្តជាសះស្បើយ។ ហេតុផលផ្សេងទៀតដែលអាចធ្វើឲ្យមុខថ្នេររមាស់អាចបណ្ដាលមកពីស្បែកស្ងួត ឬការឆ្លងមេរោគ។

៥. ឈាមនៅទ្វារមាស

ការហូរឈាមតាមទ្វារមាសក្រោយសម្រាល គឺជារឿងធម្មតា ហើយជាទូទៅអាការៈនេះនឹងបាត់ទៅវិញក្នុងរយៈពេល ១០ថ្ងៃក្រោយសម្រាល។ នៅសប្ដាហ៍ទី៦ បន្ទាប់ពីសម្រាលកូនរួច ការហូរឈាមនឹងឈប់ទាំងស្រុង។ ទោះជាយ៉ាងណាក៏ដោយ ប្រសិនបើគ្នាយើងមានការហូរឈាមខ្លាំងបន្ទាប់ពីក្រោយសម្រាលលើសពី ១០ថ្ងៃ នោះគួរទៅពិគ្រោះ និងព្យាបាលជាមួយគ្រូពេទ្យឲ្យបានកាន់តែលឿនកាន់តែល្អ។

៦. ចុកកំភួនជើង

ការឈឺចាប់កំភួនជើងក៏ជាការឈឺចាប់ក្រោយសម្រាលមួយដែលម៉ាក់ៗភាគច្រើនជួបប្រទះ។ ប្រសិនបើស្ត្រីមានអារម្មណ៍ឈឺចាប់នៅជើង និងសង្កេតឃើញថាមានការហើម នោះអាចជាសញ្ញានៃការកកឈាម ឬស្ទះសរសៃឈាមវ៉ែនជ្រៅ។

៧. ទល់លាមក

ការទល់លាមកចំពោះម៉ាក់ៗក្រោយសម្រាលកើតឡើងដោយសារតែថ្នាំបំបាត់ការឈឺចាប់ដែលម៉ាក់ៗប្រើអំឡុងពេលសម្រាល។ លើសពីនេះ ក៏អាចមកពីកត្តាផ្សេងៗដូចជារបបអាហារមិនល្អ និងមិនបានធ្វើសកម្មភាពរាងកាយគ្រប់គ្រាន់ជាដើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

ផ្ទៃពោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ការឈឺចាប់ក្រោយសម្រាល ៧ យ៉ាងកើតលើរាងកាយ ម៉ាក់ៗគួរដឹង!

១. ឈឺ​ចាប់​ពេញ​រាងកាយ

២. សុដន់​ឡើង​ធំ និង​រឹង

៣. កន្ត្រាក់​ស្បូន

៤. រមាស់​ថ្នេរ​វះ​កាត់​

៥. ឈាម​នៅ​ទ្វារមាស

៦. ចុក​កំភួន​ជើង