ត្រលប់ចូលសិល្បៈ តែ វ៉ាន់ នីឡា ហាមមិនឲ្យរំលឹករឿងនេះ ធ្វើឲ្យប៉ះពាល់ ផ្លូវចិត្តនាងធ្ងន់ធ្ងរ(មានវីដេអូ)

ភ្នំពេញ៖ ជាការពិតណាស់ ក្រោយបាត់មុខពីសិល្បៈអស់ជាច្រើនឆ្នាំ និងធ្វើឲ្យហ្វេនៗដែលជាអ្នកនិយមគាំទ្ររូបនាង មានការនឹករលឹកជាខ្លាំង និងតែងទន្ទឹងរង់ចាំវត្តមានរបស់នាងសារជាថ្មី ពេលនេះតារាចម្រៀងស្រីតូចច្រលឹងរូបនេះ ក៏បានសាងភាពភ្ញាក់ផ្អើល ដោយវិលត្រលប់មកបម្រើអារម្មណ៍អ្នកគាំទ្រសារជាថ្មី។

យ៉ាងណាមិញ  ក្រោយពីបានលឺដំណឹងត្រលប់ចូលសិល្បៈវិញ របស់ វ៉ាន់ នីឡា គេសង្គេតឃើញថាមានសន្ទុះនៃការគាំទ្ររូបនាងមិនតិចនោះទេ មិនតែប៉ុណ្ណោះ រូបនាងក៏បានត្រៀមរួចជាស្រេច ដើម្បីនាំយកអ្វីដែលថ្មី ក៏ដូចជាបទចម្រៀងថ្មីៗជាច្រើន ជាកាដូសម្រាប់ហ្វេនៗដែលតែងតែទន្ទឹងរង់ចាំវត្តមាននាងផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បើទោះបីជាត្រលប់មកវិញពិតមែន តែសភាពផ្លូវចិត្ត វ៉ាន់ នីឡា មិនធានាថាល្អប្រសើរទាំងស្រុងនោះទេ ដោយនាងបានបញ្ជាក់នៅក្នុងបទសម្ភាសន៍មួយថា សុំស្នើរឲ្យអ្នករាល់គ្នាកុំរំលឹករឿងអាស្រូវអតីតកាល ដែលជាហេតុធ្វើឲ្យប៉ះពាល់់ផ្លូវអារម្មណ៍នាងធ្ងន់ធ្ងរ បើទោះបីជារឿងកន្លងហួសទៅច្រើនឆ្នាំហើយក្តី ក៏វានៅតែជាចំណុចរសើបរបស់នាងដដែល៕

សូមទស្សនារូបភាព និងជូនវីដេអូខាងក្រោម៖

• វ៉ាន់ នីឡា
• តារាខ្មែរ