ទប់អារម្មណ៍មិនជាប់ Ning Kulsatree យំស្ដាយការងារមួយនេះ ដោយសារតែធ្លាក់ខ្លួនឈឺធ្ងន់

ថៃ៖ នៅតែមាន ការ​លើក​ទឹក​ចិត្ត​ពី ​អ្នក​គាំទ្រ​ជាច្រើន ដែលមានចំពោះ អតីតតារាស្រី Ning Kulsatree ចាប់តាំងពី ទទួលបានដំណឹងថា រូបនាងកំពុងមានជំងឺ និងត្រូវសម្រាកព្យាបាលនៅមន្ទីរពេទ្យ អស់រយៈពេលយ៉ាងយូរ ។

ដោយឡែក ថ្មីៗនេះ បន្ទាប់ពីបានធូរស្បើយជាងមុន អតីតតារាស្រីរូបនេះ ក៏បានចេញមកបង្ហាញពីវីដេអូដ៏ក្ដុកក្ដួលមួយ រហូតដល់​ស្រក់​ទឹក​ភ្នែក ដែលបានលើកឡើង ពីទុក្ខលំបាក ទៅកាន់អ្នកគាំទ្រ។ នៅក្នុងនោះដែរ Ning Kulsatree បានបង្ហាញពី អារម្មណ៍​សោកស្ដាយ ទៅលើអាជីព ​ជា​អ្នក​បម្រើ​លើយន្តហោះដែល​នាង​ស្រឡាញ់​ខ្លាំងបំផុត ព្រោះវាមិនងាយស្រួលក្នុងការធ្វើការងារនេះឡើយ ហើយមូលហេតុ ដែល​ធ្វើ​ឲ្យនាង សម្រេច​ចិត្ត​លាឈប់នោះ គឺដោយសារ​តែ​ ខ្លួនមានជំងឺធ្ងន់ធ្ងរ ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ Ning Kulstree ក៏បានឆ្លៀតឱកាស សុំទោសដល់អ្នកគាំទ្រ និងមហាជនជាច្រើន ដែលបានតាមដានព័ត៌មានរបស់ខ្លួន ទាក់ទងនឹងការ ដែលនាងមានចេតនា ចង់វិលចូលប្រឡូកក្នុងវិស័យសិល្បៈម្តងទៀត បើទោះជាកាលពីមុន នាងធ្លាប់បាននិយាយរួចមកហើយថា នឹងមិនចូលប្រឡូកក្នុងវិស័យមួយនេះ ម្តងទៀតទេ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ