ដំណឹងល្អ! ជំនួយវ៉ាក់សាំង Pfizer របស់អូស្ត្រាលី ជាង ១.៥លានដូស ដឹកមកដល់កម្ពុជាយប់នេះ

រាជធានីភ្នំពេញ៖ នៅយប់ថ្ងៃអង្គារ ទី២៨ ខែធ្នូ ឆ្នាំ២០២១នេះ វ៉ាក់សាំងបង្ការជំងឺកូវីដ១៩ Pfizer ដែលជាជំនួយរបស់ប្រទេសអូស្ត្រាលីជើងទី២ ចំនួនជាង ១.៥លានដូសទៀត នឹងដឹកមកដល់កម្ពុជា។ នេះបើតាមការបញ្ជាក់របស់លោកស្រី យក់ សម្បត្តិ រដ្ឋលេខាធិការក្រសួងសុខាភិបាល។

រដ្ឋាភិបាល និងប្រជាពលរដ្ឋអូស្ត្រាលី បានសម្រេចផ្តល់វ៉ាក់សាំងបង្ការជំងឺកូវីដ១៩ ជូនរាជរដ្ឋាភិបាល និងប្រជាជនកម្ពុជាជាង ២.៣៥លានដូស ដើម្បីចូលរួមចំណែកក្នុងការប្រយុទ្ធប្រឆាំងនឹងការរាតត្បាតជំងឺកូវីដ១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការមកដល់នៃវ៉ាក់សាំងជាជំនួយរបស់រដ្ឋាភិបាល និងប្រជាជនអូស្ត្រាលីជើងទី១នោះ ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញទទួលដោយផ្ទាល់នៅអាកាសយានដ្ឋានអន្តរជាតិភ្នំពេញ។

បើតាមការបញ្ជាក់របស់ លោកស្រី យក់ សម្បត្តិ បានឱ្យដឹងថា វ៉ាក់សាំងដែលដឹកមកដល់កម្ពុជានៅយប់នេះមានចំនួន ១,៥៦៧,៥៣០ដូស។

សូមរំលឹកផងដែរ កាលពីថ្ងៃទី២៦ ខែធ្នូ កន្លងទៅ អូស្ត្រាលី បានផ្តល់ជំនួយជាវ៉ាក់សាំងជូនដល់ប្រទេសកម្ពុជា ចំនួន ៧៨៣,០០០ ដូស រួចមកហើយ ដោយមានវត្តមានការអញ្ជើញទៅទទួលដោយផ្ទាល់ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និង លោក Andreas Zurbrugg ភារធារីស្ថានទូតអូស្ត្រាលីប្រចាំនៅកម្ពុជា៕

ប្រភព៖ FN