ភ្ញាក់ផ្អើលខ្លាំង ក្រោយ Kim Jong Un ស្រកគីឡូខ្លាំងពេក

កូរ៉េខាងត្បូង៖ អ្នកប្រើប្រាស់បណ្តាញសង្គមកូរ៉េខាងត្បូង មានប្រតិកម្ម បន្ទាប់ពីបានឃើញ មេដឹកនាំកូរ៉េខាងជើង លោក គីម ជុងអ៊ុន មានថ្គាមរាងស្រួចជាងមុន នៅក្នុងរូបថតថ្មីៗ ដែលលេចលើបណ្តាញសង្គមថ្មីៗនេះ។

នៅថ្ងៃទី ២៩ ខែធ្នូ KST ប្រព័ន្ធផ្សព្វផ្សាយកូរ៉េខាងត្បូងមួយ បានចេញផ្សាយរូបថតពីថ្ងៃទី ២ នៃ សម័យប្រជុំពេញអង្គលើកទី ៤ នៃគណៈកម្មាធិការកណ្តាលនៃគណបក្សកម្មករលើកទី ៨ នៅក្នុងប្រទេសកូរ៉េខាងជើង។ នៅក្នុងកិច្ចប្រជុំ គេសង្កេតឃើញលោក គីម ជុងអ៊ុន ស្លៀកឈុតឆ្នូតពណ៌ខ្មៅ អាវយឺតពណ៌ស និងក្រវាត់កពណ៍ប្រាក់។ ថ្គាមរបស់គាត់មានភាពស្រួចជាងពីមុន ហើយខ្សែកនៃអាវរបស់គាត់កាន់តែធូររលុង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីរបាយការណ៍នៃការស្រកទម្ងន់ ២០គីឡូក្រាមរបស់កំពូលមេដឹកនាំកូរ៉េខាងជើងរូបនេះ កាលពីខែតុលាឆ្នាំនេះ អ្នកអ្នកប្រើប្រាស់បណ្តាញសង្គមជាច្រើន បានប៉ាន់ស្មានថាលោក Kim Jong Un ប្រហែលជាស្រកទម្ងន់កាន់តែច្រើនជាងនេះ ចាប់តាំងពីពេលនោះមក។

ក្នុងនោះដែរ ទីភ្នាក់ងារស៊ើបការណ៍សម្ងាត់ជាតិ បានរាយការណ៍ថាទម្ងន់របស់លោក Kim Jong Un ត្រូវបានគេប៉ាន់ស្មានថាមានប្រហែល ១៤០ គីឡូក្រាម ក្នុងឆ្នាំ ២០១៩ រហូតដល់គាត់បានស្រកប្រហែល ២០ គីឡូក្រាម ក្នុងខែតុលា ឆ្នាំ២០២១។ ប្រព័ន្ធផ្សព្វផ្សាយរបស់ប្រទេសកូរ៉េខាងជើងបានរាយការណ៍ថា៖ បេះដូងរបស់ប្រជាជន ឈឺចាប់បំផុតនៅពេលដែលពួកគេបានឃើញមេដឹកនាំជាទីស្រលាញ់របស់ពួកគេចាប់ផ្តើមស្គមស្លេកស្លាំងបែបនេះណាស់។

ទន្ទឹមនឹងនោះដែរ​ មានមតិមួយចំនួនរបស់ប្រជាជនកូរ៉េខាងត្បូង​ មានដូចជា៖ "ស្រក​ទម្ងន់​បន្ថែមទៀតទៅ តើ​អ្នក​មិន​ខ្មាស​​ពលរដ្ឋខ្លួនឯងទេ?" "តើអ្វីទៅជាវិធីសាស្រ្តនៃរបបអាហារជោគជ័យរបស់អ្នក?" "ប្រហែលជាគាត់ទទួលបានការបណ្តុះបណ្តាលផ្ទាល់ខ្លួនច្រើនហើយ" ។ "សូមប្រាប់យើងពីវិធីកម្ចាត់ជាតិខ្លាញ់របស់អ្នកផង។""ប៉ុន្តែនេះមិនមែនជាគីមជុងអ៊ុនទេ???" "សូមបង្ហាញអាថ៌កំបាំងរបបអាហាររបស់អ្នក៕"

ប្រភព៖ allkpop