ផ្ទុះសាជាថ្មី ករណីថ្មីកូវីដ១៩ នៅក្នុងប្រទេសឥណ្ឌាកើនឡើងយ៉ាងខ្លាំងរយៈ៥ថ្ងៃចុងក្រោយ

ឥណ្ឌា៖ ប្រទេសឥណ្ឌាបានរាយការណ៍ករណីឆ្លងកូវីដ១៩ ថ្មីជាង២ម៉ឺន ៧ពាន់នាក់ កាលពីថ្ងៃអាទិត្យ ដោយមានការឆ្លងកើនឡើងយ៉ាងខ្លាំង ក្នុងរយៈពេលប្រាំថ្ងៃជាប់ៗគ្នា ប៉ុន្តែនាយករដ្ឋមន្រ្ដីនៃរដ្ឋធានីញូវដែលីបានលើកឡើងថា មិនចាំបាច់ភ័យស្លន់ស្លោឡើយ ដោយលើកឡើងពីអត្រាសម្រាកព្យាបាលនៅមន្ទីរពេទ្យទាប។

តួយ៉ាង ទីក្រុងធំជាងគេរបស់ប្រទេស រួមទាំងទីក្រុងដេលី និងរដ្ឋធានីហិរញ្ញវត្ថុ Mumbai បានឃើញការរីករាលដាលនៃករណីកូវីដ១៩​សារជាថ្មី រួមទាំងប្រភេទថ្មី Omicron ដែលបានបង្កឱ្យមានរលកនៃការឆ្លងថ្មីមិនថាក្នុងប្រទេសឥណ្ឌា ឬក្នុងតំបន់ផ្សេងទៀតនៃពិភពលោកដូច្នេះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោតទីក្រុងដេលីគឺជាទីក្រុងមួយក្នុងចំណោមទីក្រុងដែលរងគ្រោះខ្លាំងបំផុត ក្នុងអំឡុងពេលរលកទីពីរ នៃជំងឺរាតត្បាតនៅក្នុងប្រទេសឥណ្ឌាកាលពីឆ្នាំមុន ដោយមន្ទីរពេទ្យមានការអស់គ្រឿងបរិក្ខារ និងអុកស៊ីសែនសង្គ្រោះជីវិត ដែលបណ្តាលឱ្យអ្នកជំងឺមានការស្លាប់ជាច្រើនទៀតផង។

គួរបញ្ជាក់ផងដែរ ឥណ្ឌាបានកត់ត្រាការឆ្លងជំងឺកូវីដ១៩ មានសរុបរហូតដល់ ៣៤.៨៨ លានករណី ជាមួយនឹងករណីថ្មីចំនួន ២៧.៥៥៥ ក្នុងរយៈពេល 24 ម៉ោងចុងក្រោយនេះ ទិន្នន័យរបស់ក្រសួងសុខាភិបាលបានបង្ហាញកាលពីថ្ងៃអាទិត្យ៕

ប្រភព៖ channelnewsasia.

សូមទស្សនារូបភាពខាងក្រោម៖