ស្ងាត់ៗ! លោកគ្រូ ថាំងចេង ជាប់ឈ្មោះជាសេដ្ឋីកំពូល ក្នុងវ័យ៦៨ឆ្នាំ

ចិន៖ ពិតណាស់ អ្នកណាក៏ស្គាល់ តារាសម្តែងចិន Chi Zhongrui តួអង្គលោកគ្រូថាំងចេង ដែលតារាសម្តែងវ័យ ៦៨ឆ្នាំ រូបនេះ បានចូលនិវត្តន៍ពី showbiz ក្នុងឆ្នាំ ១៩៩២ ។ បើតាមប្រភពព័ត៍មានបានឱ្យដឹងថា ខណៈពេលដែលតារាសម្ដែងរូបនេះ បានឈានជើងចេញពីការសម្តែងកាលពីជិត ២០ឆ្នាំមុន ទ្រព្យសម្បត្តិរបស់លោកបានកើនឡើងកាន់តែច្រើន។ ហើយ​ហេតុផល​នៅក្រោយភាពជោគជ័យរបស់លោកគ្រូថាំងចេង ក៏ដោយសារតែមាន​ភរិយារបស់លោក​ជា​មហាសេដ្ឋី​អចលនទ្រព្យ Chen Lihua អាយុ ៨០ ឆ្នាំ។ក្នុងឆ្នាំ 2017 Lihua ត្រូវបានគេរាយការណ៍ថាមានទ្រព្យសម្បត្តិ ៥០.៥ ប៊ិល្លានយ័ន (១០.៧​ ពាន់លានដុល្លារ​ ) ហើយត្រូវបានគេស្គាល់ថាជា មហាសេដ្ឋីស្រីតែម្នាក់គត់នៅក្នុងពិភពលោកដែលកើតចេញពីការខិតខំប្រឹងប្រែងខ្លួនឯង។

ក្រៅពីការបង្កើត និងគ្រប់គ្រងក្រុមហ៊ុនអចលនទ្រព្យដ៏ធំបំផុតមួយរបស់ប្រទេសចិន Fuwah International Group, Lihua ដែលត្រូវបានគេស្គាល់ថាជាស្ត្រីមានជាងគេបំផុតរបស់ប្រទេសចិន ក៏កំពុងធ្វើការលើវិស័យជាច្រើនផ្សេងទៀតចាប់ពីកសិកម្មរហូតដល់បដិសណ្ឋារកិច្ចផងដែរ។ ភរិយាលោក Lihua និង លោកគ្រូ ថាំចេង ត្រូវ​បាន​គេ​ណែនាំ​ឱ្យ​ស្គាល់​គ្នា​ជា​លើក​ដំបូង​ក្នុង​ឆ្នាំ 1988 ហើយអ្នកទាំងពីរក៏ចាប់ផ្តើមមានចិត្តស្រលាញ់គ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីរៀបការនៅឆ្នាំ ១៩៩០ លោកគ្រូថាំងចេង បានដកខ្លួនចេញពីការសម្តែង ដើម្បីជួយភរិយាដំណើរការអាជីវកម្ម ដោយពង្រីកវិសាលភាពនៃអាណាចក្រអាជីវកម្មភរិយា ទៅកាន់វិស័យផ្សេងទៀត។

យោងតាមរបាយការណ៍ Zhongrui ដែលប្រហែលជាត្រូវបានគេស្គាល់ថា សម្តែងជាព្រះសង្ឃ Tang Sanzang នៅក្នុងរឿងភាគទូរទស្សន៍បុរាណឆ្នាំ 1986 Journey to the West ដើមឡើយ មានការលើកឡើងបែបចំអកពីសាធារណជនថា "លោកពឹងផ្អែកលើប្រពន្ធ" ។ យ៉ាងណាមិញ បច្ចុប្បន្ននេះ លោកគ្រូថាំងចេង គឺជាតារាដែលមានបំផុតនៅក្នុងប្រទេសចិន ដោយតារាសម្តែង Jay Chow ឈរនៅលេខរៀងលំដាប់ទី២៕

ប្រភព៖ 8Days