សល់ច្រើនពេល Adele តថ្លៃ រកជះលុយទិញវីឡាមួយទៀត តម្លៃជាងកន្លះរយលានដុល្លារ

បរទេស​៖ តារាចម្រៀងនារី ជនជាតិអង់គ្លេស Adele កំពុងចរចាទិញវិមានដ៏អស្ចារ្យរបស់តារា «Rambo» Sylvester Stallone ដែលជាអចលនទ្រព្យថ្លៃបំផុតមួយនៅ Los Angeles នេះបើយោងតាម​ Dailymail បានចេញផ្សាយ ។

យោងតាម TMZ បានឱ្យដឹងថា Adele ត្រូវបានគេនិយាយថានឹងចំណាយ ៥៨ លានដុល្លារសម្រាប់វិមានរបស់តារាសម្តែង Sylvester Stallone ដែលបានធ្លាប់ដាក់វីឡានេះដាក់លក់ក្នុងតម្លៃ ១១០ លានដុល្លារក្នុងខែមករា ឆ្នាំ ២០២១ ប៉ុន្តែមិនមានអ្នកទិញទេ ដូច្នេះហើយតារាសម្តែងរូបនេះបានទម្លាក់វាមកត្រឹម ៨៥ លានដុល្លារក្នុងខែឧសភា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អចលនទ្រព្យនេះមានទីតាំងនៅចុងផ្លូវហាយវេ និងមានច្រកចូលជាលក្ខណៈឯកជនផ្ទាល់ខ្លួន នៅក្នុងសង្កាត់ឧទ្យាននៃ North Beverly ដែលជាផ្ទះវីឡាដ៏ប្រណីតៗរបស់អ្នកមាន។ ក្នុងនោះវីឡាមួយនេះ មានបន្ទប់គេងប្រាំមួយ បន្ទប់ទឹកប្រាំបួន រួមមានបន្ទប់គេងមេគ្រួសារ បន្ទប់គេងបី និងបន្ទប់អ្នកបម្រើពីរផងដែរ។

ក្រៅពីនេះវាក៏មានរោងកុន កន្លែងហាត់ប្រាណ បន្ទប់ស៊ីហ្គា ជាមួយនឹងប្រព័ន្ធបន្សុទ្ធខ្យល់ និងកន្លែងហាត់វាយកូនហ្គោលផងដែរ។ លើសពីនេះ តំបន់វីឡាមានអាងហែលទឹក ស្ប៉ា ស្ទូឌីយោ និងយានដ្ឋានឯកជន។

លើសពីនេះ តំបន់វីឡាក៏មានផ្ទះមួយផ្សេងទៀត មានកម្ពស់ ២ ជាន់ ដែលមានបន្ទប់គេង ២ ជាមួយនឹងបន្ទប់ទឹកឯកជន និងផ្ទះបាយបំពាក់យ៉ាងពេញលេញ។ ប្រសិនបើអ្នកទិញកន្លែងនេះ Adele នឹងក្លាយជាអ្នកជិតខាងរបស់តារាជាច្រើន និងមនុស្សល្បីៗលើពិភពលោកដូច្នេះដែរ៕

ប្រភព៖ TMZ

សូមទស្សនារូបភាពខាងក្រោម៖

• តារាអន្តរជាតិ